Ernar Qurmashev Qazaqstan ulttyq kinony qoldaý memlekettik ortalyǵy tóraǵasynyń birinshi orynbasary bolyp taǵaiyndaldy, dep habarlaidy "Ult aqparat".
Ol 2019 jyldyń qyrkúieginen bastap Almaty qalalyq Mádeniet basqarmasynyń bastyǵy laýazymyn atqardy. Ol megapolistiń kreativti ekonomikasyn damytý strategiiasyn ázirleý jáne iske asyrý úshin jaýap berdi.
«Qazaqstandyq kinematografiia men animatsiianyń bolashaǵy zor dep sanaimyn. Olar lokomotiv siiaqty búkil eldiń kreativti ekonomikasynyń qozǵaýshysy bolyp tabylady. Kino, ádebiet, sýret, mýzyka, sán, zamanaýi, oryndaýshylyq jáne qolóner syndy óner salalaryn biriktiredi. Otandyq kino jáne animatsiia salalarynyń damýy IT salasyna oń áser etedi. Men ózimniń barlyq tájiribemdi sapaly, qyzyqty jobalardy qurý úshin qoldanatyn bolamyn», - dedi E. Qurmashev.
Ernar Qurmashev 1984 jyly 18 jeltoqsanda dúniege keldi. Sátbaev atyndaǵy QazUTÝ bitirip, New York Film Academy kinoakademiiasynda taǵylymdamadan ótti.
Ulttyq kinony qoldaý memlekettik ortalyǵy 2019 jyldyń 15 naýryzynda quryldy. Onyń negizgi mindetteri – ulttyq múddege sáikes keletin kinojobalardy qarjylandyrý jáne monitoring júrgizý, otandyq kinematografiiany qoldaý, onyń básekege qabilettiligin arttyrý jáne kino salasyna investitsiialar tartý.
