Almatydaǵy №2 qalalyq emhana bas dárigeriniń emdeý isi jónindegi orynbasary Nuriia Qalmuratova emhanadaǵy koronavirýstyń yqtimal ekinshi tolqynyna daiyndyǵy týraly aityp berdi, dep habarlaidy "Ult aqparat".
«Pandemiia bastalǵannan beri qaýipti virýsty juqtyrǵan naýqastardyń basym bóligi búginde saýyǵyp, úilerine aman-esen oraldy. Demek, bizdiń elde koronavirýstyq infektsiiamen kúrestiń durys joly tańdaldy. Sonymen qatar, álemde aýrýdyń kúrt ósýi baiqalady. Indettiń ekinshi tolqyny bastaldy. Atap aitqanda, Italiia, Ispaniia, Germaniia, Túrkiia jáne Ońtústik Koreia siiaqty elderde. TMD elderinde virýstyń taraýy Qazaqstanǵa qaraǵanda joǵary. Osy jaǵdaidy eskere otyryp, Qazaqstan, barlyq elder siiaqty, onyń ishinde bizdiń emhanamyz da koronavirýs infektsiianyń bolýy múmkin ekinshi tolqynyna daiyn bolýy kerek», – deidi dáriger.
Onyń aitýynsha, №2 qalalyq emhananyń bas ǵimaratynan bólek 3 filialy bar. Olar qala boiynsha 64 454 astam turǵynǵa qyzmet kórsetedi. «Dýman» yqshamaýdanynda 12 myńdai adamdy qabyldaityn jáne «Sulýsai», «Keńsai» yshqamaýdandarynda bólimsheleri bar. Emhana sanitarlyq normalarǵa sai jumys istep jatyr.
«Emhananyń qyzmeti barlyq sanitarlyq-epidemiologiialyq sharalardy saqtai otyryp, bekitilgen normativtik-quqyqtyq aktilerge sáikes júzege asyrylady. Kireberiste jylý baqylaý qurylǵysy ornatylǵan, ony arnaiy maman baqylaidy. Naýqastardy qabyldaý qatań túrde aldyn ala jazylý arqyly júzege asyrylady. Sanitarlyq tazartqyshtar emhanaǵa kire beriste, dálizderde, baspaldaq alańdarynda ornatylǵan. Kelýshilerdiń áleýmettik araqashyqtyǵyn jáne qozǵalys baǵytyn qamtamasyz etý úshin eden belgileri men qorshaýlar ornalastyrylǵan. Emhana «las» jáne «taza» aimaqtarǵa bólingen. Qyzmetkerler men naýqastar úshin bólek kireberister bar», – deidi spiker.
Sonymen qatar, ol koronavirýs infektsiiasynyń sharyqtaý kezeńinde emhanada 12 mobildi top jumys istegenin tilge tiek etti.
«Bizdiń emhanada COVID-19 aýrýynyń eń joǵary deńgeiinde 12 mobildi top jumys istedi. Mobildi top quramyna 1 jalpy tájiribe dárigeri, 1 medbike, 1 laborant, 1 psiholog, 1 áleýmettik qyzmetker kirdi. Qazir emhanadaǵy jaǵdai turaqty, dárigerlerdiń baqylaýynda koronaviýrs juqtyrǵan úsh naýqas qana bar. Sondyqtan 5 mobildi top jumys istep jatyr. Oǵan qosa koll-ortalyq iske qosylǵan. Mobildi toptyń is-qimyl algoritmi kelesidei: Sall-ortalyqqa qońyraý tússe, nemese naýqas emhanaǵa júginse, qońyraý mobildi topqa aýysady, ol COVID-19 -ǵa kúdiktini jaǵdaidy tekserý paraǵy boiynsha anyqtaidy, qajet bolǵan jaǵdaida shaqyrtýǵa barady, oqshaýlaý sharttaryn anyqtaidy, qajet bolsa impýlstik oksimetrlermen jáne dári-dármektermen qamtamasyz etedi, táýlik boiǵy statsionarǵa gospitalizatsiialaý úshin COVID-19 koronavirýstyq infektsiiasy bar naýqastyń jaǵdaiyn ýaqtyly baǵalaidy.
Olar ýchaskelik dárigerge nemese meiirbikege patsientti qaraý nátijeleri týraly habarlaidy, qajet bolǵan jaǵdaida emdeý josparyn túzete otyryp, olarǵa odan ári qashyqtyqtan baqylaý júrgizý úshin aqparatty jáne meditsinalyq qujattardy beredi»,-deidi ol.
Sonymen qatar, ol aldaǵy kúz, qys, kóktem ailarynda infektsiianyń jańa tolqyny bolýy múmkin degen boljam jasalǵanyn aitty. Bul kezde ádettegidei sýyq tiiý, bakterialdy infektsiia, tumaý men pnevmoniia aýrlary beleń alatyn kórinedi.
«Pandemiiaǵa bailanysty osy aralyq qaýipti bolýy múmkin. Sondyqtan barlyq meditsinalyq uiymdarda daiyndyq jumystary júrgizilip, tumaýdyń aldyna alý boiynsha ekpe salynýda. Ol birinshiden osal toptarǵa salynady, olar jii aýyratyn 18 jasqa deiingi balalar, sozylmaly aýrýy bar tulǵalar, júkti áielder, 60 jastan asqan eresekter, sonymen qatar balalar úii, qarttar úiiniń turǵyndary bar», - deidi Nuriia Qalmuratova.
Koronavirýstyń ekinshi tolqynyna daiyndyq barysynda maýsym aiynyń 15-i men shildeniń 15 aralyǵyndaǵy jaǵdaiǵa monitoring jasalǵan. Osy aralyqta koronavirýspen aýyrǵandar eń kóp tirkelgen.
«Mundai monitoringtiń paidasyna kelsek, ol qajet kezinde qansha kadr tartý kerektigin jáne negizgi dári-dármek qoryn jasaýǵa múmkindik beredi. Sondai-aq koronavirýs aýrýy kezinde áreket etý algoritmi ázirlendi. Oǵan qosa koronavirýs aýrýynyń aldyn alý jónindegi aqparattyq eskertpelerdi taratyp jatyrmyz», - deidi N.Qalmuratova.
