Almaty naryǵyndaǵy dári-dármek tapshylyǵyna qatysty suraqqa onlain brifing barysynda «Almaty Finance» JShS Basqarma tóraǵasy Timýr Hairov jaýap berdi, dep habarlaidy QazAqparat.
Sońǵy kezde almatylyqtar qala dárihanalarynda keibir dári-dármekterdiń joǵalyp ketýine bailanysty shaǵymdana bastady. Onyń ishinde pandemiia bastalǵaly suranysqa ie dári-dármek te bar. Mysaly, bul júrek-qan tamyrlary aýrýlaryna arnalǵan dári. Spiker búgingi tańda qala dárihanalarynda sol preparattar siiaqty birdei áser etetin almastyrǵyshtardy satyp alýǵa bolatynyn aitty.
«Dári-dármekter tiziminen 2020 jyldyń sońyna deiin eski baǵamen satyp alynǵan júrek-qan tamyrlary aýrýlaryna qajetti (Aspirin, Kardiomagnil, Trombo ASS) preparattardyń 8 ataýy bar. Turaqtandyrý qorynyń qoimalarynda 92 myń «Kardiomagnil» (150 ml 90 ml) paketi bar. Sondai-aq, Almaty dárihanalarynda shyǵarylatyn jáne satylatyn, halyqaralyq patenttelmegen dári-dármekter bar. Búgingi kúni osyndai áseri bar almastyrǵyshtardy satyp alýǵa bolady», - dedi «Almaty Finance» basqarma tóraǵasy Timýr Hairov.
Sonymen qatar, dárihanalarǵa 40 million dári-dármek satyp alynyp, jetkizilgenin atap ótti. Al dárihanalardyń meditsinalyq maskamen qamtylýy 100 paiyzǵa jetken.
Elimizde óndiristik qýaty kúnine 1 mln maska shyǵaratyn 6 otandyq kompaniia bar. Sonymen qatar, 26 millionnan astam maska shyǵaratyn 15 jetkizýshi bar.
