Almaty-Bishkek tas jolynda qalyń qar men kóktaiǵaq saldarynan 7 kólik soqtyǵysty. Bir adam dene jaraqatymen aýrýhanaǵa jetkizilip, tekserýden keiin úiine jiberildi, - dep habarlaidy "Ult aqparat"
Qazirgi tańda oblys aýmaǵynda boran soǵyp, burqasyndatyp tur. Taldyqoroǵan-Úsharal baǵytynda qoǵamdyq kólikter men dizeldik qozǵaltqyshy bar kólikterge qozǵalys shekteldi. Sondai-aq aýa raiynyń buzylýyna bailanysty Almaty-Óskemen tas jolynan Qapal Arasan shipajaiyna deiingi 45 shaqyrym jol kóliktiń barlyq túrine jabyldy. Tótenshe jaǵdailar qyzmetkerleri alys saparlardan bas tartyp, saq bolýdy eskertedi.
Almaty oblystyq Politsiia departamenti baspasóz qyzmeti kólikterdiń jappai soqtyǵysýyn rastady. Oqiǵa búgin bolǵan. Resmi málimet boiynsha 7 kólik soqtyǵysqan. Onyń ishinde bireýi - jolaýshylar avtobýsy.
