Almatydaǵy azyq-túlik bazarlarynyń ákimshileri men direktorlarynan aqsha jinaǵan sheneýnik ustaldy. Bul týraly QR Sybailas jemqorlyqqa qarsy is-qimyl agenttigi 1-shi departamentiniń asa mańyzdy ister jónindegi tergeýshisi Daniiar Bigaidarov málim etti, dep habarlaidy QazAqparat.
Onyń atap ótýinshe, agenttiktiń Almaty qalalyq departamenti «Qazaqstan Respýblikasy Aýyl sharýashylyǵy ministrliginiń Almaty qalasy boiynsha Agroónerkásiptik keshendegi memlekettik aýmaqtyq inspektsiia komiteti» MM Karantindik, ósimdikterdi qorǵaý jáne fito-sanitarlyq baqylaý beketterin memlekettik baqylaý bóliminiń basshysyna qatysty sotqa deiingi tergeýdi bastady.
«Ol júieli negizde kásipkerlik sýbektilerinen – Almaty qalasynyń azyq-túlik bazarlarynyń ákimshileri men direktorlarynan ákimshilik jaýapkershilikke tartpaǵany jáne fitosanitariialyq baqylaýdy júzege asyrmaǵany úshin 10 myńnan 60 myń teńgege deiin para alǵan. QR QIJK-niń 128-babyna sáikes joǵaryda atalǵan bólim basshysy ustalyp, Almaty qalalyq politsiia departamentiniń ýaqytsha oqshaýlaǵyshyna qamaldy. Qajetti tergeý áreketteri júrgizilýde. Ózge aqparat tergeý múddesinde jariia etýge jatpaidy», - dedi ol.
