Almaty qalasynyń bas memlekettik sanitar dárigeri Jandarbek Bekshinniń «Almaty qalasynda koronavirýs infektsiianyń aldyn alý jónindegi sharalar týraly» jańa qaýlysy jariialandy, dep habarlaidy "Ult aqparat".
Qaýlyǵa sáikes, jumys kúnderi qoǵamdyq kólik ádettegidei júretin boldy.
Demalys jáne mereke kúnderi mynadai shekteýler qoiylady:
Tańerteńgi jumys ýaqyty – 6:00-den 10:00-ge deiin, keshke – 17:00-den 2:00-ge deiin júredi.
Senbi, jeksenbi kúnderi saýda jáne oiyn-saýyq ortalyqtarynyń, saýda úileriniń jumysyna tyiym salynady. Mereke kúnderindegi jumys ýaqyty bylai shekteledi: tańǵy saǵat 10:00-den 17:00-ge deiin; jumys kúnderi - saǵat 10:00-den 21:00-ge deiin.
Sýpermarketter, gipermarketter, tamaq ónimderin satatyn saýda jelileri saǵat 06:00-den 02:00-ge deiin jumys isteidi; azyq-túlik dúkenderi, shaǵyn bazarlar 06:00-den 24:00-ge deiin; saýda jelileri jáne azyq-túlik emes dúkenderge (jeke) tańǵy saǵat 09:00-den 21:00-ge deiin jumys isteýine ruqsat.
Jabyq jáne ashyq bazarlar (azyq-túlik satatyn jáne azyq-túlik satpaityn) senbi men jeksenbide jumys istemeidi. Jumys kúnderi saǵat 06:00-den 17:00-ge deiin; mereke kúnderi jumys ýaqyty 10:00-den 17:00-ge deiin shekteledi.
«Medeý» men «Shymbulaqta» jappai syrǵanaýǵa tyiym salynady. Kelýshiler sany 50% -ǵa (1000 adamǵa deiin) azaitylýy kerek. «Shymbulaq» taý kýrortyndaǵy qoǵamdyq tamaqtaný obektilerine saǵat 7:00-den 21:00-ge deiin, tek jazǵy alańdardyń jumys isteýine ruqsat etiledi;
Halyqqa qyzmet kórsetý ortalyǵy men «Qazpochta» AQ bólimsheleri aldyn ala jazylý boiynsha tańǵy saǵat 9:00-den 18:00-ge deiin jumys isteidi.
Kóńil kóterý mekemeleriniń (karaoke, biliard, kompiýterlik, túngi klýbtar men oiyn klýbtary, boýling ortalyqtary, balalar sporty men oiyn alańdary, attraktsiondar, batýttar jáne býkmekerlik keńseler men lotereialyq klýbtardyń) qyzmetine tyiym salynady.
Banket jáne basqa da sharalardy ótkizýge bolmaidy.
Qaýlynyń tolyq mátinimen myna jerden tanysa alasyz.
Qaýly 20 naýryzdan bastap kúshine enedi.
