Almatyda Baraholka bazarynan órt shyqty. Taýarlarǵa arnalǵan birneshe qoima janyp ketti, - dep habarlaidy "Ult aqparat".
Oqiǵa 19 naýryz kúni bolǵan. Oqiǵa ornynan túsirilgen videolar jelide paida bolady. Kýágerlerdiń aitýynsha, "Baisat" bazaryndaǵy qoimalarda órt shyqqan. Kadrlarda órt shyqqan aimaqta adamdardyń júrgenin kórýge bolady.
Almaty qalalyq Tótenshe jaǵdailar departametiniń málimetinshe, 9 naýryz kúni túski saǵat 14:51 órt sóndirýshiler Jetisý aýdany, Soltústik ainalma tas joly 7, Baisat bazary meken-jaiy boiynsha, joǵary dárejedegi shaqyrtýǵa shyqty.
«Órt sóndirýshiler oqiǵa ornyna 3 minýtta keldi. Olar birneshe konteinerdiń otqa oraǵanyn anyqtady. Órt sóndirý tehnikasynyń ótýine jeke avtokólikter kedergi keltirgen. Sondyqtan «109» qutqarý qyzmetiniń evakýatorlary jiberildi», - dep habarlady vedomstvadan.
