«Shin-Lain» kompaniiasy 7 maýsymda óndiris ornynda bolǵan oqys oqiǵaǵa qatysty túsinik berdi, dep habarlaidy QazAqparat.
Kompaniianyń baspasóz qyzmetinen habarlaǵandai, aldyn ala qorytyndy boiynsha muzdatqysh tsilindri artyndaǵy rezeńke tósemsheniń zaýyttyq aqaýyna bailanysty 500 g ammiak syrtqa tógilgen. Oqiǵa ornyna dereý qadaǵalaý qyzmetteri men ekologiialyq saraptama júrgizýshi mamandar shaqyrylǵan.
«Qazirgi ýaqytta anyqtalǵan tehnikalyq aqaý tolyǵymen joiyldy. Jabdyq 1 maýsymda ǵana tekserilip, kýálandyrýdan ótken edi. Aqaýdyń shyǵý sebebi túpkilikti anyqtalǵan soń, kompaniia resmi jetkizýshilerge habarlasady. Bizdegi jabdyqtar men olardyń qosalqy bólshekteri resmi jetkizýshilerden satyp alynǵan jáne qajetti sáikestik sertifikattary bar», - delinedi kompaniianyń habarlamasynda.
Sondai-aq, kompaniia kásiporynǵa tekserý júrgizetin qadaǵalaý organdaryna jan-jaqty kómek kórsetetinin málim etti.
«Qadaǵalaý organdary tiisti qorytyndy shyǵarady. Barlyq qosymsha aqparat memlekettik organdardyń resmi qorytyndysyn alǵan soń habarlanady. Aita keteiik, oqiǵa bolǵan kúngi aýysymda óndirilgen ónimder satylymǵa shyqqan joq», - dep habarlady kompaniia.
Eske salaiyq, Almatydaǵy «Shin-Lain» kompaniiasynyń tsehynda tógilgen ammiaktan bes adam ýlanyp, aýrýhanaǵa túsken edi.
Sondai-aq, búgin jansaqtaý bóliminde jatqan eki naýqastyń beti beri qarap, palataǵa aýystyryldy.
