Almaty ákimi Baqytjan Saǵyntaevtyń tóraǵalyǵymen ótken jolaýshylar tasymaly salasyn damytý jónindegi keńeste qoǵamdyq kólikti jańartý, kadr tapshylyǵyn sheshý jáne jol qozǵalysy qaýipsizdigin arttyrý máseleleri qaraldy, dep habarlaidy "Ult aqparat".
Ekologiiany saýyqtyrý maqsatynda dizeldi avtobýstardy gazben aýystyrý máselesi kezeńmen sheshilýde.
Dizelmen júretin avtobýstar qala mańy baǵyttaryna aýystyrylady.
Tolyq aýystyrýdy aiaqtaý 2025 jylǵa deiin josparlanǵan.
Búgin jolaýshylar tasymaldaý úshin gazben júretin 352 avtobýs, dizeldi otyndaǵy 1373 avtobýs, elektrdiń tartýyndaǵy 14 avtobýs, 160 trolleibýs jolǵa shyǵyp tur.
Biyl jeke tasymaldaýshylar ekologiialyq taza janarmaimen júretin 246 avtobýs satyp alýdy josparlap otyr. Onyń 208-i gazben, 38-i elektr tartýymen júredi.
Sonymen qatar, jaqyn arada «Almatyelektrotrans» JShS-niń qalǵan 150 avtobýsy jetkiziledi.
Kólikterdi janarmaimen úzdiksiz qamtamasyz etý úshin avtopark jeke janarmai beketin iske qosty.
Júrgizýshiler tapshylyǵy máselesin sheshý úshin «Almatyelektrotrans» JShS-da áleýmettik-turmystyq jaǵdailardy jasap jatyr.
Atap aitqanda tamaq uiymdastyrylyp, qajetti kiim formalary satyp alynýda. Yntalandyrý úshin syilyq aqshalar tólenýde.
Tek aqpan aiynda ǵana 100 júrgizýshi qabyldandy. Aldaǵy eki aida taǵy 400 adam jumysqa qabyldanatyn bolady.
Ótken aida 100 avtobýs jóndeldi, aldaǵy úsh aida taǵy 90-y iske qosylady, al jyl sońyna deiin qosymsha 100 kólik jóndelip, paidalanýǵa beriledi.
Bul sharalar jolaýshylarǵa qyzmet kórsetýdi jaqsartyp, kólik baǵyttarynyń sanyn ulǵaityp jatyr.
Júrgizýshilerdiń jumysyn baqylaý dispetcherlik qyzmet arqyly júzege asyrylady. «AET» jeke baǵyttarynda «Sapaly qyzmet» pilottyq jobasy iske qosylady.
Almaty ákimi B. Saǵyntaev qoǵamdyq kólikter tarpynan bolatyn jol-kólik apattarynyń sanyn azaitý úshin barlyq avtobýstarda beinebaqylaý kameralaryn ornatýdy tapsyrdy.
Budan ózge, politsiia departamentine quzyrly memlekettik organdarmen birlesip jelige tehnikalyq aqaýy bar kólikterdi shyǵarǵandary jáne júrgizýshilerdiń jol erejesin buzǵany, jolaýshylarǵa qyzmet kórsetýde tártip normalaryn saqtamaǵandary úshin avtopark basshylarynyń jaýapkershilikterin kúsheitý tapsyryldy.
Kezdesýdi qorytyndylaǵan Almaty ákimi jolaýshylar tasymalynyń sapasy men qaýipsizdigin jaqsartý úshin kúndelikti jumys jasaýdy tapsyrdy.
Tsifrlandyrý deńgeiin kóterý jáne avtoparkterdiń basqarý úrdisterine jańa tehnologiialardy engizý qajet.
Sondai-aq, jeke avtoparkterdiń jumysyna baqylaýdy kúsheitý jáne qoǵamdyq kólik aialdamalaryn qalypty jaǵdaida ustaý tapsyryldy.
