Almaty avtobýstarynda ornatylǵan beinekameralar arqyly 1700 maska rejimin buzý deregi tirkeldi, dep habarlaidy "Ult aqparat".
Bul joba tamyz aiynan bastap qolǵa alynǵan bolatyn. 2 baǵdarda №120 jáne №65 marshrýttardyń 4 avtobýsynda 8 kamera ornatyldy.
«Jolaýshylar arasynda maska rejimin buzǵan 1773 derek tirkeldi. 1106 adam maska taqpasa, 667 jolaýshy maskany durys taqpaǵan», - dedi brifing barysynda Almaty qalalyq mobildilik basqarmasynyń basshysy Erlan Ádilov.
3 avtobýs júrgizýshisi tártiptik jazaǵa tartyldy.
Osy maqsatta «Kólik holdingi» JShS men «Qazaqtelekom» AQ arasynda qyrkúiektiń sońyna deiin 8 marshrýttyń 32 avtobýsyna aqyldy kamera ornatý týraly kelisimge qol qoiyldy.
1. №25 (4 avtobýs)
2. №7 (4 avtobýs)
3. №205 (4 avtobýs)
4. №137 (4 avtobýs)
5. №37 (4 avtobýs)
6. №69 (4 avtobýs)
7. №38 (4 avtobýs)
8. №63 (4 avtobýs)
Jobaǵa sáikes maskasyz júrgen jolaýshy týraly aqparat ortalyq dispetcherge jetedi. Operator tez arada avtobýs júrgizýshisine habarlap, shara qoldanady. Maskasyz jolaýshy avtobýstan túsiriledi nemese maska taǵýǵa májbúr bolady.
