Almaty qalalyq Politsiia departamenti jedel járdem aýrýhanasynyń qabyldaý bóliminde janjal shyǵarǵan mas adam týraly aitty, dep habarlaidy QazAqparat.
27 qyrkúiekte túngi saǵat 00:30-dar shamasynda 1997 jyly týǵan azamat mas kúide qalalyq jedel meditsinalyq kómek aýrýhanasynyń aýmaǵynda qoǵamdyq tártipti buzyp, bótenniń múlkine ziian keltirdi.
«Atalǵan fakti Qazaqstan Respýblikasy Qylmystyq kodeksiniń 293-baby «Buzaqylyq» boiynsha Almaly aýdandyq politsiia basqarmasynyń sotqa deiingi tergeýdiń biryńǵai tizilimine tirkeldi. Kúdikti ustaldy. Tergeý bastaldy», - dep habarlady politsiiadan.
Sh. esimdi azamattyń quqyq qorǵaý organynyń qyzmetkeri emes jáne quqyq qorǵaý júiesine qatysy joq ekendigi anyqtaldy.
«Qazirgi ýaqytta ol esh jerde jumys istemeidi, buǵan deiin ártúrli quqyq buzýshylyq jasaǵany úshin birneshe ret ákimshilik jaýapqa tartylǵan»,- dep atap ótti qalalyq politsiia departamentinen.
