Almaty aýrýhanasynda dárigerdiń kúrteshesi men aiaq kiimin urlap ketken er adam ustaldy, dep habarlaidy QazAqparat.
«Meditsinalyq kómek alǵan 30 jastaǵy er adam aýrýhanaǵa jatqyzylǵannan keiingi kúni ruqsatsyz, óz erkimen aýrýhanadan ketýge sheshim qabyldaǵan. Jyly kiimi men aiaq kiim bolmaǵandyqtan ol qyzmetkerler bólmesine kirip, óziniń ólshemine keletin qolaily kiimderdi kiip ketken. Belgili bolǵandai bul - hirýrg-dárigerdiń zattary eken. Beinebaqylaý kameralarynyń, sondai-aq arnaiy bazanyń kómegimen kúdiktiniń saýsaq izderin baqylaý arqyly onyń kim ekeni anyqtaldy. Kúdikti ustaldy», - deidi Medeý aýdandyq PB janyndaǵy politsiia bóliminiń bastyǵy Edilhan Baiǵaraev.
Zattar óz iesine qaitaryldy.
Atalǵan derek boiynsha QR QK-niń 188-babyna (Urlyq) sáikes qylmystyq is qozǵalyp jatyr.
Ustalǵan adam jasaǵan is-áreketin joqqa shyǵarmai, birden moiyndady.
