Almatyda shyǵaryp salýshylarǵa áýejai terminalynyń ǵimaratyna kirýge tyiym salyndy, dep habarlaidy "Ult aqparat".
Kóliktegi bas memlekettik sanitarlyq dárigeriniń sheshimine sáikes, 11 mamyrdan bastap jolaýshylarǵa, áýejai qyzmetkerleri men ekipajǵa COVID-19 testin mindetti túrde tapsyrý talaby alynyp tastaldy.
«Sonymen birge, karantindik talaptar (áleýmettik qashyqtyq, anketalar, maska rejimi, bailanyssyz termometriia) óz kúshinde qalady. Sondai– aq, shyǵaryp salýshylarǵa terminal ǵimaratyna kirýge tyiym salynady. Dene qyzýy nemese aýrý belgileri bar adamdar (jótel, entigý) áýejai ǵimaratyna kirmeidi», – dep habarlaidy Almaty áýejaiynyń baspasóz qyzmeti Facebook paraqshasynda.
