Almaty qalasy ákiminiń orynbasary Erjan Babaqumarov COVID-19-ǵa zertteýler júrgizetin qala zerthanalarynyń basshylyǵymen kezdesti, dep habarlaidy "Ult aqparat".
Jiyn Almaty qalasy boiynsha taýarlar men qyzmetterdiń sapasy men qaýipsizdigin baqylaý departamentiniń basshysy, qalanyń bas memlekettik sanitar dárigeri Jandarbek Bekshinmen birlesip ótkizildi. Basty maqsat — zerthanalardyń koronavirýstyq infektsiianyń jańa tolqynyna daiyndyǵyn talqylaý, qazirgi jaǵdaidy baǵalaý jáne aldaǵy kezeńge reagentter qoryn qamtamasyz etý.
Búgingi kúni megapolis aýmaǵynda COVID-19-ǵa polimerazdy tizbekti reaktsiia (PTR) ádisimen tekseretin 17 zerthana bar. Onyń qýattylyǵy táýligine ortasha eseppen 10 150. Naýryz aiynan bastap PTR ádisimen 550 myń zertteý júrgizildi. Bolashaqta zerthanalarda júrgiziletin zertteýlerdiń jalpy qýatyn táýligine 20 myńǵa deiin ulǵaitý josparda.
Almatyda koronavirýsqa PTR-zertteýler júrgizetin 17 zerthana:
Modýldik zerthana;
- «Privat klinik Almaty» JShS;
Almaty qalasy boiynsha «USO» filialy;
- «OLIMP» KDZ JShS;
- Sanitarlyq-epidemiialyq saraptama jáne monitoring ǵylymi-praktikalyq ortalyǵy;
- 12 I. Jekenova atyndaǵy QKJAA;
«El Lab PCR» JShS;
- Pediatriia jáne balalar hirýrgiiasy UO AQ;
- «Akva Lab» JShS;
- «JQTB-nyń aldyn alý jáne oǵan qarsy kúres jónindegi ortalyǵy» ShJQ MKK»;
- «Medical Partners Korea Qazaqstan»JShS;
- M. Aiqymbaev atyndaǵy asa qaýipti infektsiialar ǵylymi ortalyǵy;
- «NurLab-2030» JShS;
- «Innosol» JShS;
- «Immýnotest» JShS;
- «Gamma Lab» JShS;
- M. Aiqymbaev atyndaǵy asa qaýipti infektsiialar ǵylymi ortalyǵy «Biotehnologiia ulttyq ǵylymi ortalyǵy».
PTR jáne IFT zertteýler júrgizý qýatyn odan ári arttyrý múmkindigi boiynsha zerthana basshylary tyńdaldy.
Erjan Babaqumarov kúzgi-qysqy kezeńde qajettilik artqan jaǵdaida PTR testileýin úzdiksiz júrgizý úshin reagentterdiń jetkilikti sanyn qamtamasyz etý qajettigine nazar aýdardy.
Sonymen birge, shetelden jolaýshylar aǵynynyń yqtimal ósýin eskere otyryp, Almaty halyqaralyq áýejaiy aýmaǵynda jedel diagnostikany qamtamasyz etýdiń, keletin kontingentti tekserý boiynsha jumysty kúsheitýdiń mańyzdylyǵy atap ótildi.
Halyqty PTR-diagnostikalaý rásimderiniń ashyqtyǵyn arttyrýǵa erekshe nazar aýdaryldy. Buǵan deiin megapolis aýmaǵynda juqtyrý statistikasynda qala mańyndaǵy aimaqtarda da aýrý jaǵdailary kórinis tapqany aitylǵan bolatyn. Osylaisha, aqparattyq júielerdi integratsiialaý testilenetin qala turǵyndaryn esepke alý tiimdiligi men syrqattanýshylyq dinamikasyn arttyrady.
