Almaty qalasynyń áýejaiynda politsiia Almaty qalasynyń 47 jastaǵy turǵynynyń bilik ókilin qorlaý faktisi boiynsha qylmystyq isti tergeýde.
Ol mas kúiinde ainalasyndaǵylarǵa qoqan-loqy jasap, zańdy talaptarǵa baǵynbaǵan, sondai-aq politsiia qyzmetkerin balaǵattaǵan, dep habarlaidy QazAqparat Kóliktegi politsiia departamentiniń baspasóz qyzmetine silteme jasap.
Atalǵan fakt QR QK 378-babynyń 2-tarmaǵy (Bilik ókilin jariia túrde qorlaý) boiynsha sotqa deiingi tergep-tekserýdiń biryńǵai tiziliminde tirkelgen. Tergeý amaldary júrgizilip jatyr.
Aita keteiik, jyl basynan beri Kóliktegi politsiia departamenti qyzmettik mindetterin oryndaý kezinde politsiia qyzmetkerlerine til tigizýge, baǵynbaýǵa jáne kúsh qoldanýǵa qatysty 20 faktini tirkedi. Joǵaryda atalǵan barlyq qylmystyq quqyq buzýshylyq fakti boiynsha materialdar sotqa joldandy.
