Almaty qalasynyń áýejaiynda 1 mlrd teńgeden astam deklaratsiialanbaǵan qolma-qol aqsha anyqtaldy, dep habarlaidy QazAqparat.
2021 jyly Almaty áýejaiy arqyly shet elderge deklaratsiialanbaǵan 1 068 683 092 teńgeni jeke tulǵalar qolma-qol alyp ketpekshi bolǵan.
Bul týraly Memlekettik kirister komiteti habarlady.
Almaty qalasy boiynsha memlekettik kirister departamenti 2021 jyldyń qańtary men jeltoqsany aralyǵynda QR ÁQBtK 551-baby boiynsha 116 ákimshilik is toltyryp (taýarlardy, qolma-qol aqsha qarajatyn, aqsha quraldaryn deklaratsiialamaý nemese anyq emes kedendik deklaratsiialaý, kedendik qujattardaǵy málimetterdi anyq emes málimdeý), QR Qylmystyq kodeksiniń belgileri bar 4 faktiniń jolyn kesken.
Deklaratsiialanbaǵan qolma-qol qarajat somasy - 1 068 683 092 teńge, osy buzýshylyqtar boiynsha aiyppul - 3 383 720 teńgeden astam.
Mysaldarmen qarastyraiyq:
11.10.2021 jyly «Almaty-Frankfýrt» áýe reisiniń kedendik baqylaýynan ótkennen keiin ushý zalynda QR azamaty toqtatyldy, onda 37 000 evro mólsherinde deklaratsiialanbaǵan aqsha qarajaty anyqtaldy, ákimshilik quqyq buzýshylyq týraly is toltyrylyp, 29 170 teńge mólsherinde aiyppul salyndy jáne óndirildi.
10.08.2021 jyly Almaty qalasynyń halyqaralyq áýejaiynyń ushý zalynda №140 áýe reisine kedendik baqylaýdy júzege asyrǵannan keiin, «Tbilisi-Almaty» qatynasymen Belarýs Respýblikasynyń azamaty toqtatyldy, onda 30 000 AQSh dollary mólsherinde qolma-qol aqsha qarajaty tabyldy, ákimshilik quqyq buzýshylyq týraly is toltyrylyp, 29170 teńge mólsherinde aiyppul salyndy jáne óndirildi.
26.07.2021 jyly «Jetisý» keden beketiniń qyzmetkerleri Almaty qalasynyń halyqaralyq áýejaiynyń ushý zalynda «Air Astana» áýe kompaniiasynyń «Almaty-Tashkent» baǵytyndaǵy №127 reisimen ushyp shyqqan QR azamatyn ustady. Ustaý kezinde 100 500 AQSh dollary, sondai-aq 85 000 teńge somasynda deklaratsiialanbaǵan aqsha qarajaty anyqtaldy. Material odan ári tergeý úshin Almaty qalasy boiynsha ETD QR AFM-ne berildi.
05.06.2021 jyly Almaty qalasynyń halyqaralyq áýejaiynyń ushý zalynda №1721 «Dýbai-Almaty» áýe reisine kedendik baqylaýdy júzege asyrǵannan keiin QR azamaty toqtatyldy, onda 90 000 AQSh dollary somasynda qarajat tabyldy. Material odan ári tergeý úshin Almaty qalasy boiynsha ETD-ǵa berildi.
Memlekettik kirister komitetinde atap ótkendei, taýarlardy kedendik deklaratsiialaý kezinde jeke tulǵalar 10 000 (on myń) AQSh dollary balamasyna teń nemese odan aspaityn jalpy somadaǵy qolma-qol shetel valiýtasyn jáne (nemese) qolma-qol ulttyq valiýtany (baǵaly metaldardan jasalǵan monetalardy qospaǵanda) jáne jol chekterin kedendik deklaratsiiasyz Qazaqstan Respýblikasyna ákelýge nemese Qazaqstan Respýblikasynan áketýge quqyly.
Kedendik deklaratsiialaý ótkiziletin qolma-qol aqshanyń jáne jol chekteriniń shyǵý tegi men maqsaty týraly málimetterdi kórsete otyryp, ákelinetin nemese áketiletin qolma-qol shetel valiýtasynyń, qolma-qol Ulttyq valiýtanyń jáne jol chekteriniń barlyq somasyna jazbasha nysanda kedendik deklaratsiia berý arqyly júzege asyrylady.
