Áleýmettik jelilerde Almaty áýejaiynyń júk tieýshileriniń jumysy túsirilgen rolik paida boldy. Áýejaida olardyń jumysyna túsinikteme berildi, - dep habarlaidy Kaz.tengritravel.kz agenttigi.
Áleýmettik jeli paidalanýshysy Timýr Artiýhin Almaty áýejaiynda júk tieýshilerdiń bagajdy "basketbol oinaǵandai" laqtyrǵan videosyn jariialady. Jeli paidalanýshylary videony jarysa talqylady.
Almaty áýejaiynyń baspasóz qyzmeti ushatyn reisterdiń birinde júkti (jolaýshylar bagajyn emes) tieý rásimderi buzylǵanyn rastady. Júkti abaisyz tiegen qyzmetkerler tártiptik eskertýler aldy.
"Mundai qateni boldyrmaý úshin áýejaidaǵy barlyq júk tieý personaly nusqaýlyqpen tanysady, sonymen qatar olar júkterdi durys suryptaýǵa qatysty úlestirme materialdar aldy. Júkteý rásimderiniń durystyǵyn baqylaý úshin qosymsha tekserýler júrgizilýde", - dep atap ótti áýejai ókilderi.
