Almaty áýejaiynyń basshylyǵy ana men bala bólmesi nege sonsha jupyny ekendigin túsindirýge tyrysty, dep habarlaidy QazAqparat.
Áýejai basshylyǵy qyrǵyz azamaty Elmar Kimniń syni jazbasyna jaýap berdi.
Qyrǵyz azamaty Elmar Kim Almaty áýejaiyna 3 saǵatqa bógelip, reisterin kútken. Ol jubaiymen birge ana men bala bólmesine kirip, balalaryn tynyqtyrmaq bolady.
Keiin qyrǵyz azamaty ana men balaǵa arnalǵan bólmeniń ishin synap, basqa elderdegi osyndai bólmelerimen salystyrǵan. Ol áýejaidaǵy bólmeni sasyq kartserge teńedi.
Jolaýshynyń Facebook-tegi synaǵan jazbasyna Almaty áýejaiy jaýap jazdy.
«Biz Elmar Kimniń synyn durys qabyldaimyz. Biraq osy úsh bólmeni jóndeý men jabdyqtaýdyń biýdjeti 2 ai buryn bekitilgen bolatyn. Bizge qyzmet kórsetýshini anyqtaý úshin tender ótkizýge ýaqyt kerek boldy. Tusqaǵazdan bastap oiynshyqtar, jihazǵa deiin, turmystyq tehnikany jetkizýshilerdi anyqtaý kerek boldy. Búginde jańa ústel, kreslo, divan, jańa mikrotolqyndy pesh, sýdy jylytatyn kýler satyp alýǵa kelisim jasaldy. Ana men bala bólmesinde jeke gigienalyq zattar tegin turatyn bolady. Barlyq jolaýshylarǵa keltirilgen qolaisyzdyqtar úshin keshirim suraimyz», - dedi áýejai basshylyǵy.
Jóndeý jumystary 10 qyrkúiekte bastalady.
