الماتى ەۋەجايىنىڭ باسشىلىعى انا مەن بالا بٶلمەسٸ نەگە سونشا جۇپىنى ەكەندٸگٸن تٷسٸندٸرۋگە تىرىستى, دەپ حابارلايدى قازاقپارات.
ەۋەجاي باسشىلىعى قىرعىز ازاماتى ەلمار كيمنٸڭ سىني جازباسىنا جاۋاپ بەردٸ.
قىرعىز ازاماتى ەلمار كيم الماتى ەۋەجايىنا 3 ساعاتقا بٶگەلٸپ, رەيستەرٸن كٷتكەن. ول جۇبايىمەن بٸرگە انا مەن بالا بٶلمەسٸنە كٸرٸپ, بالالارىن تىنىقتىرماق بولادى.
كەيٸن قىرعىز ازاماتى انا مەن بالاعا ارنالعان بٶلمەنٸڭ ٸشٸن سىناپ, باسقا ەلدەردەگٸ وسىنداي بٶلمەلەرٸمەن سالىستىرعان. ول ەۋەجايداعى بٶلمەنٸ ساسىق كارتسەرگە تەڭەدٸ.
جولاۋشىنىڭ Facebook-تەگٸ سىناعان جازباسىنا الماتى ەۋەجايى جاۋاپ جازدى.
«بٸز ەلمار كيمنٸڭ سىنىن دۇرىس قابىلدايمىز. بٸراق وسى ٷش بٶلمەنٸ جٶندەۋ مەن جابدىقتاۋدىڭ بيۋدجەتٸ 2 اي بۇرىن بەكٸتٸلگەن بولاتىن. بٸزگە قىزمەت كٶرسەتۋشٸنٸ انىقتاۋ ٷشٸن تەندەر ٶتكٸزۋگە ۋاقىت كەرەك بولدى. تۇسقاعازدان باستاپ ويىنشىقتار, جيھازعا دەيٸن, تۇرمىستىق تەحنيكانى جەتكٸزۋشٸلەردٸ انىقتاۋ كەرەك بولدى. بٷگٸندە جاڭا ٷستەل, كرەسلو, ديۆان, جاڭا ميكروتولقىندى پەش, سۋدى جىلىتاتىن كۋلەر ساتىپ الۋعا كەلٸسٸم جاسالدى. انا مەن بالا بٶلمەسٸندە جەكە گيگيەنالىق زاتتار تەگٸن تۇراتىن بولادى. بارلىق جولاۋشىلارعا كەلتٸرٸلگەن قولايسىزدىقتار ٷشٸن كەشٸرٸم سۇرايمىز», - دەدٸ ەۋەجاي باسشىلىعى.
جٶندەۋ جۇمىستارى 10 قىركٷيەكتە باستالادى.
