Almaty aýmaqtyq sailaý komissiiasynyń (ASK) tóraiymy Janna Asanova Jelide daýys berý jáshikterine biýlletender toltyryldy degen video paida bolǵanyn aitty. Ýchaskelik sailaý komissiiasynyń músheleri ýaqytsha qyzmetinen shettetildi, - dep habarlaidy Tengrinews.kz.
Buǵan deiin áleýmettik jelilerde sailaý ýchaskesinde daýys berý jáshikterine biýlletender toltyrylǵany týraly video paida bolǵan edi.
Almatydaǵy aýmaqtyq sailaý komissiiasynyń tóraiymy Janna Asanova bul videony Almaty qalasynyń sailaý komissiiasy kórgenin rastady. Onyń aitýynsha, komissiia músheleri bul jaǵdai boiynsha uzaq keńesken.
"Biz ózimiz siiaqty belgili bir ókilettikterge ie ýchaskelik komissiia deńgeiinde ýchaskelik komissiia múshelerin oqiǵanyń mán-jai anyqtalǵansha qyzmetinen shettetý týraly sheshim qabyldadyq. Bizdiń de, joǵary turǵan komissiianyń da beinejazbaǵa qarap áreketti baǵalaýǵa quzyry joq. Ýchaskelik komissiia múshelerimen áńgimelesý barysynda, olar jáshikti toltyrý faktisin joqqa shyǵardy. Soǵan qaramastan bul jáshik mórlenip, basqa, statsionarlyq jáshik qoiyldy. Sol sailaý jáshigindegi barlyq biýlletender jaramsyz dep tanylýy múmkin, onyń nátijelerin statsionarlyq jáshiktegi daýys qorytyndysy boiynsha ýchaskelik komissiia qaraidy. Úlken jáshikte sol sátke deiin biýlleten bar bolsa da, ókinishke qarai, olar esepke alynbaidy", - dedi Janna Asanova.
Qalalyq sailaý komissiiasy basshysynyń aitýynsha, bul jaǵdaidyń zańdylyǵyna quqyq qorǵaý organdary men OSK baǵa beredi, óitkeni nátijelerdi joiý, toqtata turý máselesi OSK quzyretine jatady.
