Almatyda Aqjar shaǵyn aýdanynda salynyp jatqan sý jáne káriz qubyrlary biyl jeltoqsan aiynda paidalanýǵa beriledi. Bul týraly qalalyq energotiimdilik jáne infraqurylymdyq damý basqarmasy málim etti, dep habarlaidy "Ult aqparat".
Basqarma málimetinshe, turǵyndardy aýyz sýmen qamtamasyz etý maqsatynda injenerlik jelilerdiń qurylysy 2020 jyly bastalyp, biyl kúzde halyq igiligine berilýi qajet edi.
Biraq, jumystyń ýaqytynda bitýine tabiǵi faktorlar áser etti. Qazý kezinde jer bederiniń kúrdeli bolýy jáne kólemi 2 metrden asatyn qoitastardyń jii kezdesýi sharýanyń aiaqtalýyn alty aiǵa keshiktirip otyr.
«Qurylysshylardyń kúrdeli jaǵdailarda sý jáne káriz qubyrlaryn salyp jatyr. Sý jáne káriz qubyrlaryn paidalanýǵa berý osy jyldyń IV toqsanyna josparlanyp otyr. Bul qurylys aiaqtalǵannan keiin segiz myńǵa jýyq turǵyndy úzdiksiz sýmen jáne káriz qubyrlarymen qamtamasyz etýge kepildik beredi», – dedi qalalyq energotiimdilik jáne infraqurylymdyq damý basqarmasynyń bólim basshysy Ermek Jumaǵaliev.
Qazir Aqjardaǵy jeti kóshede injenerlik jelilerdi salý qyzý júrip jatyr. Qiyndyqqa qaramastan, merdiger uiym alyp tastardy shyǵarý úshin aýyr tehnikalardy paidalandy.
