QR Ulttyq akademiialyq kitaphanasynda almatylyq alty beldi aqynnyń jyr keshi ótti. Olar astanalyq oqyrmandarǵa óz óleńderin arnady, dep habarlaidy Baq.kz tilshisi.
Sharaǵa qatysqan Qazaqstan Jazýshylar odaǵy tóraǵasynyń orynbasary, aqyn Maralbek Ybyraev atalmysh sharanyń óner súier qaýym úshin mańyzdy ekendigin atap ótti.
«Eldiń ordasy Almatydan Astanaǵa kóshetin shaqta Elbasy Nursultan Nazarbaev: «Jer jánnaty Jetisýǵa syimai bara jatqan joqpyz, qyimai bara jatyrmyz. Búgingi dáýir bizden osyny talap etip otyr» degen bolatyn. Astana aiaǵynan nyq turyp, kórkeiip, osyndai joǵary dárejege jetti. Endi myńjyldyq tamyry, tarihy bar Almatynyń aqyndary Máńgilik eldiń astanasyna táý etýge keldi. Sondyqtan bul kesh poeziia súier qaýym úshin mańyzdy», - dedi aqyn.
Qazaqstan Jazýshylar odaǵy tóraǵasynyń orynbasary atap ótkendei, poeziia keshine Almatynyń bedeldi alty aqyny qatysty.
«Aqyndardyń jas mólsheri ártúrli. Olardyń qatarynda jas aqyn Aibol Isamǵalievtan bastap, Ádilǵazy Qaiyrberkov aǵamyzǵa deiin bar. Búgin olar astanalyq poeziia súier qaýymǵa jyrdan shashý shashatyn bolady. Astananyń salqyn aýa raiyn óleńmen jylytady», - dedi ol.
Sharaǵa astanalyq jyr súier qaýym men JOO stýdentteri qatysty.
Aita keteiik, poeziia keshi Astanadaǵy Almaty kúnderine orai uiymdastyryldy.
