QR Prezidenti ákimshiliginiń kelisimimen Almaty qalasy ákiminiń jańa orynbasary bolyp Marat Sembekov taǵaiyndaldy, dep habarlaidy "Ult aqparat".
Jańa qyzmetker eńbek jolyn 2001 jyly Qazaqstan Respýblikasynyń Ádilet ministrliginde bastaǵan. Ár jyldary Ekonomika jáne biýdjettik josparlaý ministrliginde, Premer-Ministrdiń Keńsesinde, respýblikalyq biýdjettiń oryndalýyn baqylaý jónindegi Esep komitetinde jumys istegen.
2010-2015 jyldar aralyǵynda Qazaqstan Respýblikasy Prezidenti Ákimshiliginiń memlekettik inspektory, Memlekettik baqylaý jáne aýmaqtyq-uiymdastyrý jumysy bólimi basshysynyń orynbasary bolǵan.
2015 jyldan 2019 jylǵa deiin Almaty qalasy ákimi apparatynyń basshysy qyzmetin atqarǵan.
Marat Sembekov qala ákiminiń orynbasary laýazymynda shaǵyn jáne orta biznesti qoldaý, investitsiia tartý, turǵyn úi saiasaty, Almatynyń energotiimdiligi jáne infraqurylymdyq damýy máselelerine basshylyq jasaidy.
Óz kezeginde, buǵan deiin qala ákiminiń orynbasary bolǵan Almas Mádiev direktorlar keńesiniń sheshimimen «Almaty» áleýmettik kásipkerlik korporatsiia basqarmasynyń tóraǵasy bolyp taǵaiyndaldy.
