Almatyda eski zirat mańynan zańsyz turǵyn úi salynyp jatyr. Almaty ákimi Erbolat Dosaev Bostandyq aýdany turǵyndarymen kezdesýde qurylys máselesin túsindirdi, - dep habarlaidy Tengrinews.kz agenttigi.
Áleýmettik jelide Almatydaǵy Gornyi gigant aýmaǵyndaǵy zirat ornynda qurylys jumystary júrip jatqany túsirilgen video paida boldy. Video avtorlary qurylysshylar birneshe beiitti búldirgenin atap ótken.
Basqa jazbalarda qurylys ziratqa jaqyndaǵanyn, aǵashtar kesilip jatqanyn, shuńqyr qazylǵanyn atap ótti. Bul rette zirattardan 300 metrge deiingi qashyqtyqta qurylys salýǵa resmi túrde tyiym salynǵan.
Sondai-aq, bul qurylysqa qatysty másele ákim qatysqan jiynda qoiyldy. Erbolat Dosaev bul jerge turǵyn úi kesheni salynbaitynyn aitty.
"Ózderińiz bilesizder, Ál-Farabiden joǵary kóppáterli turǵyn úi keshenderin salýǵa tyiym salynady. Jer telimi ákimshilik ǵimaratpen birge jeke turǵyn úi qurylysyna berilgen. Ókinishke qarai, siz aityp otyrǵan zirat tirkelmegen, (50-jyldardaǵy zirat Ile aýdanyna qaraǵan, esk.) tipti qala kartasynda da joq. Zirat jaǵdaiymen ainalysýdy tapsyrdym", - dedi ákim.
Sondai-aq, ákimdik qurylysqa ruqsat berilmegendikten jáne qurylys salýshylardyń jobalyq-smetalyq qujattary bolmaǵandyqtan, jumysty qala qurylysyn baqylaý bólimi toqtatqanyn atap ótti. Shuńqyr zańsyz qazylǵan, qojaiyndardyń birine qatysty ákimshilik shara qoldanylyp jatyr.
