Almatydaǵy «Dýman» yqshamaýdanynyń turǵyndary «Keńsai 3» ziratynyń salynýyna qarsy. Olar Erbolat Dosaevtan onyń ornyna saiabaq aimaǵyn qurýdy surady, dep habarlaidy QazAqparat.
«Máseleniń ońai emes ekenin aitqym keledi, biz qazir sheshý joldaryn qarastyryp jatyrmyz. Ókinishke qarai, Keńsai-2-de jer ýchaskesi joq. Baǵanashyl, Buryndaidaǵy basqa da zirattar toly. Qazir biz Almaty oblysymen birlese otyryp jer ýchaskesin qarastyryp, izdep jatyrmyz»,- dedi Erbolat Dosaev Medeý aýdany turǵyndarymen kezdesý barysynda.
Sonymen qatar ol qaladan 100 gektar jer tabý ońai sharýa emes ekenin aitty.
«Bul másele týraly bilemin. Ózim de birneshe ret baryp kórdim. Eger basqa joldary tabylyp jatsa, saiabaq aimaǵyn quramyz. Ázirge, eshteńe aita almaimyn. Biraq bul máselemen meniń orynbasarym ainalysyp jatyr. Shilde aiynyń basyna deiin biraz málimet alamyz dep úmittenemiz», - dep jaýap berdi ákim turǵyndar saýalyna.
Buǵan deiin ákimdik «Dýman» yqsham aýdanynyń ońtústigi, «Keńsai» ziratynyń shyǵysy mekenjaiynda aralas úlgidegi ziratty uiymdastyrý úshin aýdany 92,08 ga ýchaske bólingeni týraly habarlaǵan bolatyn.
