Almaty qalasynyń ákimi Baqytjan Saǵyntaev birqatar qalalyq emhanaǵa baryp, vaktsinalaýdyń uiymdastyrý jumysymen tanysty, dep habarlaidy "Ult aqparat".
Shahar basshysy Instagram paraqshasyda №5 aýrýhana jáne № 15, 17, 29 emdeý mekemelerinde ornalasqan ekpe kabinetteriniń jumysymen tanysqanyn jazdy.
Megapolis ákimi vaktsinalaýǵa birinshi bolyp kelgen almatylyqtarmen áńgimelesti. Ol koronavirýsqa qarsy turýdyń jalǵyz múmkindigi ekpe ekenin eske saldy.
Qalalyqtar vaktsinalaýǵa túsinistikpen qaraýda.
Onyń málimeti boiynsha, vaktsinatsiia pýnktileri 70 emhanada, 31 saýda ortalyǵynda, iri mádeni, bilim jáne sport mekemelerinde ornalastyrylýda.
«Qalada KVI taralýyn boldyrmaý jónindegi jedel shtabtyń otyrysynda jappai vaktsinatsiialaý naýqanyn uiymdastyrý máseleleri qaraldy.
Barlyǵy 250-ge jýyq pýnkt ashylady. Olardyń jumysyn 2250 maman - dárigerler, meiirbikeler, tirkeýshiler qamtamasyz etedi.
Sonymen qatar, dáriger rezidentterdiń ishinen 1200 erikti tartylady. Qosymsha mobildi jyljymaly pýnktter quryldy»,- dep jazdy ákim.
Sonymen qatar, ol kornavirýsqa qarsy erikti jappai vaktsinalaýdyń bekitilgen josparyna sáikes, sýyq tizbekti saqtaý úshin muzdatqyshtarmen jabdyqtaýǵa erekshe nazar aýdarylatynyn atap ótti.
