Almaty oblysynda mas júrgizýshi qaqqan eki oqýshy áli es-túzsiz jatyr. Úshinshi qyzdyń aiaǵyna ota jasaldy, dep habarlaidy "Ult aqparat".
Almaty oblystyq Densaýlyq saqtaý basqarmasynyń basshysy Ómirzaq Niiazbekov balalardyń jaǵdaiyn arnaiy baryp, bilip qaitty. Qazirgi tańda 2012 jylǵy eki oqýshy áli es-túzsiz jatyr.
«Eki naýqastyń jaǵdaiy óte aýyr. Es-túzsiz jatyr. Shelek aýdandyq aýrýhanasynda em qabyldaýda. Kúndelikti Almaty aimaqtyq balalar klinikalyq aýrýhanasynan dárigerler kelip, balalardyń densaýlyǵyn qarap, qadaǵalap otyr», - dedi Almaty oblystyq Densaýlyq saqtaý basqarmasy baspasóz qyzmetiniń ókili Láilim Áýbákirova.
Vedomstvo ókiliniń málimetinshe, 2011 jylǵy úshinshi qyz balanyń aiaǵyna ota jasalǵan. Onyń jaǵdaiy ortasha aýyr. Dárigerler 9 jastaǵy balany Almaty aimaqtyq balalar klinikalyq aýrýhanasyna aýystyrǵan.
Esterińizge sala keteiik, 2 naýryz kúni Eńbekshiqazaq aýdanynda mas júrgizýshi sabaqtan qaityp kele jatqan 4 oqýshy qyzdy kóligimen qaǵyp ketti. Onyń úsheýi aýrýhanaǵa jatqyzyldy. Balalar 8-9 jasta.
Aita keterligi, Prezident Qasym-Jomart Toqaev mas júrgizýshige qatysty tergeýdi óz baqylaýyna aldy.
