Almaty ákimi Baqytjan Saǵyntaev onlain brifing barysynda Alǵabas joldaryna qatysty pikir bildirdi. Buǵan deiin turǵyndar joldardyń balshyqqa batyp jatqanyn aityp, shaǵymdanǵan edi, dep habarlaidy QazAqparat.
Brifing barysynda jýrnalister ákimnen Alǵabas shaǵynaýdany turǵyndaryna jedel járdem qalai jetetinin surady.
Buǵan deiin atalǵan aýdan turǵyndary qazylǵan jer men ilinip turǵan elektr symdaryna shaǵymdanǵan bolatyn.
«Alǵabastaǵy jaǵdai bir kúnde sheshilmeidi. Bul aýmaqtar oblystan qosylǵanyn bilesizder. Sym, iá, ashyq ilinip tur. Bul aýyldar salynǵan kezde turǵyndar symdy ózderi tartqan. Olardy retke keltirý úshin keshendi jumys júrgizý kerek, ony istep jatyrmyz. Barlyq Alǵabasty elektrlendirý úshin JSQ jasaý kerek, aqsha bólý kerek. Ol symdy tarta salý nemese «izolentamen» oraý emes qoi. Bul - úlken injenerlik jumys. Barlyq Alǵabas bir kúnde retke kelmeidi», - dedi ákim.
Sonymen qatar, ákim qazylǵan joldarǵa da túsinik berdi.
«Joldarǵa keletin bolsaq, birinshi kezekte adamdar ortalyqtandyrylǵan káriz júiesin, sýmen jabdyqtaýdy suraidy, biraq ony júrgizý úshin qazý keregin túsinesiz ǵoi. Mysaly, bizde qalanyń 23 shaǵynaýdany múlde eshteńemen qamtamasyz etilmegen. Men Alǵabas turǵyndaryna birneshe ret baryp, túsindirdim. Asfalt tóseimiz. Jalpy bizde 2023 jylǵa deiingi barlyq shaǵynaýdandy sýmen jáne kárizben qamtamasyz etý mindeti tur. Oǵan trillion teńgege jýyq qarajat bólindi. Bul - az soma emes jáne kúrdeli jumys», - dedi Baqytjan Saǵyntaev.
