Almaty ákimdiginiń qaýlysymen 1 sáýirden bastap I sanatty jumyrtqaǵa shekti baǵa belgilendi, dep habarlaidy "Ult aqparat".
Qujatqa sáikes, I sanatty taýyq jumyrtqasynyń on danasy úshin 487 teńge mólsherinde baǵa belgilenip otyr. Tiisti qaýly osy aidyń aiaǵyna deiin jaramdy. Atalǵan shara naryqtaǵy ónimniń qunyn turaqtandyrýǵa jáne satýshylardyń baǵany negizsiz kóterýine jol bermeý úshin qolǵa alynyp otyr.
«Budan buryn Almatyda mundai retteý mehanizmin qoldaný oń nátije kórsetti. Ótken jyldyń sońynda qaraqumyq jarmasy men qantqa shekti baǵa belgileý qalada ónimniń bir kelisiniń ortasha qunyn sáikesinshe 375 teńgeden 360 teńgege deiin jáne 256 teńgeden 252 teńgege deiin tómendetýge múmkindik berdi», – dep habarlady qala ákimdiginiń baspasóz qyzmeti.
Qaýly boiynsha bekitilgen baǵalardyń saqtalýyn Almaty kásipkerlik jáne investitsiialar basqarmasynyń mamandary aýdan ákimdikterimen birlesip baqylaidy. Eger kásipkerler qaýlyǵa qulaq aspai, baǵany kótergen bolsa aiyppul salynady. Atalǵan is-áreketter bir jyldyń ishinde qaitalanǵan jaǵdaida, 100 ailyq eseptik kórsetkishten (291 700 teńge) 200 ailyq eseptik kórsetkishke deiingi (583 400 teńge) mólsherde aiyppul túrindegi ákimshilik jaýapkershilikke tartylady.
