Almaty qalasynyń Naýryzbai aýdanyndaǵy jaǵdai turaqty baqylaýda. Qazirgi ýaqytta turǵyndardy evakýatsiialaý júrgizilgen joq, dep habarlaidy ult.kz.
Almaty qalalyq Tótenshe jaǵdailar departamenti men Naýryzbai aýdany ákimdigi apparatynyń málimetinshe, ýaqytsha ornalastyrý pýnktterin daiyndaý – yqtimal qaýip týyndaǵan jaǵdaida qoldanylatyn aldyn alý sharasy ǵana.
Sondai-aq habarlaý júiesi iske qosylǵanymen, ýaqytsha ornalastyrý pýnktterine turǵyndar júginbegen.
Qalalyq qyzmetter Tótenshe jaǵdailar departamentimen birlesip táýlik boiy jaǵdaidy baqylaýda ustap, Aqsai ózeni basseinindegi ahýaldy qadaǵalap otyr.
Qala biligi turǵyndardy sabyr saqtaýǵa, tek resmi aqparat kózderine senýge jáne rastalmaǵan málimetterdi taratpaýǵa shaqyrdy.
Vedomstvonyń málimetinshe, jaǵdai ózgergen jaǵdaida turǵyndarǵa resmi bailanys arnalary arqyly jedel aqparat beriledi.
