Almaty ákimdigindegiler «Demeý» áleýmettik qyzmet kórsetý ortalyǵyndaǵy 63 turǵynnyń «tamaqtan ýlanýyna» bailanysty pikir bildirdi, dep habarlaidy "Ult aqparat".
Ákimdiktiń málimeti boiynsha qazir mekemede 680 adam turyp jatqan kórinedi.
«24 shilde kúni tańerteń mekemedegi 63 qyzmet alýshyda táýligine 2-4 ret jiilikpen, túsi qalypty úlken dáret qysýy baiqalǵan. Ortalyqtyń emdeýshi dárigerleri «taǵamnan bolǵan diareia» degen aldyn ala diagnoz qoiyp, simptomatikalyq em taǵaiyndady. Sol kúngi túski asqa qarai qyzmet alýshylardyń kóbinde úlken dáret jiiligi qalypqa kelip, keshke jaqyn tolyq tyiylǵan» - dep habarlady Almaty qalasynyń áleýmettik ál-aýqat basqarmasy.
Ákimdiktiń deregine boiynsha, bul ýaqyt ishinde ortalyq mamandary aýdandyq sanitarlyq-epidemiologiialyq qyzmet mamandarymen telefon arqyly bailanysta bolǵan jáne dene qyzýynyń kóterilýi, júrek ainý, qusý, ish aýyrýy, jalǵan defekatsiia siiaqty tamaqtan ýlaný men jedel ishek infektsiiasynyń belgilerin baiqamaǵan.
«23 shildedegi táýliktik synama úlgileri zertteý júrgizý úshin Almaty qalasy Jetisý aýdanynyń ulttyq saraptama ortalyǵynyń zerthanasyna jiberildi. Ai saiyn vaktsina almaǵan qyzmet alýshylar COVID-19-ǵa PTR-test tapsyrady. Qyzmet alýshylar arasynda sońǵy ret koroanvirýs infektsiiasy 2020 jyldyń shildesinde tirkelgen. COVID-19-ǵa sońǵy taldaý 2021 jyldyń 7 shildesinde jasaldy. Barlyq test nátijeleri teris», - delingen basqarmanyń málimetinde.
Vedomstvo ókilderi osy mekemede qaitys bolǵan qyzmet alýshy týraly da aqparat berdi. 1980 jyly týǵan azamatqa buǵan deiin eki ret ota jasalǵan kórinedi. Basqarma taratqan málimette marqumnyń júrek-qan tamyrlary júiesi men búirektiń sozylmaly aýrýlarynan zardap shekkeni aitylǵan.
«24 shilde kúni saǵat 19.40-ta naýqastyń jaǵday kúrt nasharlap, jedel meditsinalyq járdem brigadasy shaqyryldy. Saǵat 20.00-de ólim tirkeldi. Keiin jaqyn týystaryna jáne Bostandyq aýdany politsiia bóliminei habarlandy. Aýtopsiia nátijeleri boiynsha sot-meditsinalyq saraptama ortalyǵy bergen ólim týraly meditsinalyq kýálikte ólimniń sebebi «jedel júrek jetkiliksizdigi, kardiomiopatiia» dep kórsetilgen. Iaǵni, BAQ-taǵy marqumnyń koronavirýs infektsiiasynan qaitys bolǵany týraly aqparat shyndyqqa janaspaidy», - dep habarlady vedomstvo mamandary.
