Almaty ákimdigi adam óltirdi dep kúdikke ilingen júrgizýshige qatysty resmi málimdeme jasady, dep habarlaidy "Ult aqparat".
Qalalyq ákimdiktiń baspasóz qyzmeti taratqan aqparatqa sáikes, onyń qyzmeti ákimdik qyzmetkeri sanatyna jatpaidy.
«Ajar Ábdireshevanyń jubaiyn óltirgeni týraly aryz-shaǵymy boiynsha kúdikti adam «Almaty qalasynyń Sharýashylyq basqarmasy» JShS-da júrgizýshi bolyp jumys isteitinin habarlaimyz. Qazirgi ýaqytta ol shtatta tirkelgen. Júrgizilip jatqan tergeý áreketterine bailanysty jumysta joq. Ol ákimdik qyzmetkeri sanatyna da, memlekettik qyzmetshi sanatyna da jatpaidy. Er adam ákimdikke qyzmet kórsetetin «Almaty qalasy Sharýashylyq basqarmasy» JShS jumys isteidi», - dedi JShS direktory Q. Baiamanov.
Aita ketý kerek, búgin Almaty turǵyny Ajar Ábdiresheva qala ákimi Baqytjan Saǵyntaevqa kúieýiniń ólimine qatysty videoúndeý jariialaǵan bolatyn.
Keiin qala ákimi Baqytjan Saǵyntaev bul isti jeke baqylaýyna alyp, PD basshysyna isti obektivti tergeýdi tapsyrdy.
