Foto: TJM baspasóz qyzmeti
Joǵalǵan áiel Almaarasan taýlarynan tabyldy, dep habarlaidy "Ult aqparat" TJM baspasóz qyzmetine silteme jasap.
Vedomstvo málimetinshe, 7 qańtarda 1983 jyly týǵan týrist áiel taýlarǵa, «Terra» alańyna jalǵyz ózi shyqqan. Jaiaý serýendep bolǵannan keiin kóligine túsken kezde telefonyn jáne baqylaý taiaqshalaryn joǵaltyp alǵan. Áiel taýdan túsip bara jatqanda, abaisyzda soqpaq joldan qulap, eńisten tómen «Prohodnoe» ózenine qarai quldilap túsedi. Qutqarýshylar qar kóshkinin tirkemegen.
9 qańtar saǵat 5 shamasynda QR TJM «RJQJ» MM kezekshi bólimine Almaarasan shatqalynda joǵalǵan áiel týraly shaqyrý kelip túsken. Jeke quramnyń 11 qutqarýshysy, onyń ishinde 1 kinologiialyq eseptoptan turatyn jedel top qutqarýǵa shyqqan. RJQJ qyzmetkerleri týristi túni boiy jartasty jáne qarly taýlardan izdegen.
"RJQJ-dan basqa birneshe eriktiler uiymy, sonyń ishinde «Dobrospas» jáne «Lider», sondai-aq «Qutqarý qyzmeti» qatysty. Izdeý jumystary túni boiy jalǵasty. Túngi saǵat 4-ke taiaý zardap shekken týrist tabyldy jáne barlyq izdeý toptary berilgen koordinattarǵa qarai jyljydy. RJQJ qutqarýshylary qajetti kómek kórsetip, týristi Prohodnoe shatqalyna tasymaldady. Keiin zardap shegýshi AMO brigadasyna tabystaldy" - delingen habarlamada.
