Foto: GAC jáne Allur
2026 jylǵy 12 aqpanda Gýanchjoý qalasynda Qazaqstandaǵy jetekshi avtokólik óndirýshi jáne distribiýtor Allur kompaniiasy men GAC International arasynda KD óndirisi salasyndaǵy ónerkásiptik yntymaqtastyq týraly kelisimge qol qoiyldy.
Kelisimge qol qoiý halyqaralyq ónerkásiptik seriktestikti damytýdaǵy mańyzdy kezeń jáne Qazaqstanda avtokólik óndirisin lokalizatsiialaý deńgeiin ulǵaitýǵa baǵyttalǵan. Jobany iske asyrý lokalizatsiialyq óndiristi, dilerlik jelini damytý men marketingtik infraqurylymdy qosa alǵanda qosylǵan qunnyń tolyq tizbegin qalyptastyrý protsessine kóshýge múmkindik beredi.
Kelisim sondai-aq Qazaqstannyń Ortalyq Aziia men TMD óńirindegi negizgi avtokólik haby retindegi róliniń artyp kele jatqanyn kórsetedi jáne eldiń joǵary tehnologiialyq mashina jasaý salasyn damytý alańy retindegi pozitsiiasyn nyǵaitady.
Qol qoiý rásimine GAC Group bas direktorynyń orynbasary, GAC International tóraǵasy Chen Tsziatsai myrza jáne Allur prezidenti Oksana Holstinina hanym qatysty. Qujatqa GAC International bas direktorynyń orynbasary Lý Veitsýn myrza jáne Allur kompaniiasynyń distribýtsiia jónindegi vitse-prezidenti Maksim Miagchilov myrza qol qoidy.
Foto: GAC jáne Allur
TMD naryǵyn damytý jáne óndiristi lokalizatsiialaý
Taraptar Qazaqstandy TMD óńirindegi strategiialyq naryq ári Eýraziia qurlyǵyn bailanystyratyn mańyzdy kólik-logistikalyq torap retinde qarastyrady. Sońǵy jyldary el naryǵyndaǵy qytailyq avtokólik brendteriniń úlesi aitarlyqtai ósti - 2020 jylǵy 3,8%-dan 2025 jyly 38,5%-ǵa deiin jetip, salanyń ósýiniń negizgi faktorlarynyń birine ainaldy.
Allur men GAC International yntymaqtastyǵy Qazaqstanda óndiristi lokalizatsiialaý protsessin damytýǵa, keiinnen TMD naryǵyna shyǵýǵa baǵyttalǵan óndiristik bazany qurýdy kózdeidi. Joba zamanaýi óndiristik sheshimderdi engizýdi, KD-jinaqtaý salasyndaǵy quzyretterdi damytýdy jáne lokalizatsiialaý deńgeiin kezeń-kezeńimen arttyrýdy qarastyrady.
GAC International - Qytai avtokólik ónerkásibiniń jetekshi halyqaralyq bólimsheleriniń biri. Kompaniiada damyǵan ǵylymi-zertteý jáne tájiribelik-konstrýktorlyq jumystar júiesi, zamanaýi óndiristik qýattar jáne álemniń ártúrli óńirlerinde lokalizatsiialaý tájiribesi bar. Kompaniia birqatar halyqaralyq óndiristik jobalardy iske asyryp, KD-óndiristi uiymdastyrý boiynsha eleýli tájiribe jinaqtaǵan.
Foto: GAC jáne Allur
Foto: GAC jáne Allur
Óndiristik quzyretter sinergiiasy
Allur - jylyna 125 000-nan astam avtokólik óndirý qýaty bar Qazaqstannyń avtokólik ónerkásibindegi eń iri oiynshy. Kompaniianyń jalpy aýmaǵy 356 000 sharshy metrdi quraityn óndiristik alańy bar, onda jeńil jáne kommertsiialyq avtokólik shyǵarady. Kompaniia portfeline Chevrolet, Kia, JAC, Jetour, Skoda, Geely Galaxy, MG jáne Soueast brendteri kiredi, sondai-aq óńirdegi eń iri dilerlik jelige ie.
Kelisim aiasynda taraptar Qazaqstanda GAC avtokólikteriniń tolyq modeldik qataryn, sonyń ishinde ishten janý qozǵaltqyshy bar, gibridti jáne elektrli avtokólikterdi óndirýdi uiymdastyrýdy josparlap otyr. Joba turaqty ónerkásiptik bazany qalyptastyrýǵa jáne avtokólik óndirisin lokalizatsiialaý deńgeiin arttyrýǵa baǵyttalǵan.
Allur prezidenti Oksana Holstinina GAC-pen yntymaqtastyq salany damytýǵa jáne Qazaqstan naryǵyndaǵy ónim jelisin keńeitýge qosymsha múmkindikter ashatynyn atap ótti.
GAC International ókilderi Allur-men seriktestik kompaniianyń TMD óńirindegi qatysýyn keńeitýdiń mańyzdy kezeńi ekenin jáne zamanaýi tehnologiialyq sheshimderdi eskere otyryp, jergilikti naryqtyń áleýetin iske asyrýǵa múmkindik beretinin jetkizdi.
Foto: GAC jáne Allur
Foto: GAC jáne Allur
Foto: GAC jáne Allur
Foto: GAC jáne Allur
Salany jáne ekonomikany damytýǵa qosqan úles
Jobany iske asyrý óndiristik tizbekti damytýǵa, jańa jumys oryndaryn qurýǵa, Qazaqstannyń avtokólik ónerkásibiniń tehnologiialyq deńgeiin arttyrýǵa yqpal etedi.
Uzaq merzimdi perspektivada taraptardyń yntymaqtastyǵy eksporttyq áleýetti damytýǵa, Ortalyq Aziia men TMD naryqtaryndaǵy qatysýdy keńeitýge, sondai-aq Qazaqstannyń óńirdegi avtokólik óndirisiniń negizgi ortalyqtarynyń biri retindegi pozitsiiasyn nyǵaitýǵa baǵyttalǵan.
