Úkimet basshysy Asqar Mamin Májilis ókilderiniń depýtattyq saýalyna bergen jaýabynda agroónerkásip kesheninde kooperatsiiany damytý qalai iske asatynyn aitty, dep habarlaidy "Ult aqparat".
Májilis ókilderi Elnur Beisenbaev, Iýrii Jýlin pen Erlan Sairovtyń depýtattyq saýalyna bergen jaýabynda Premer-Minstr Asqar Mamin AÓK salasynda kooperatsiiany damytý boiynsha qabyldanyp jatqan sharalar týraly málimet berdi.
«AÓK damytýdyń ulttyq jobasy sheńberinde aýyl sharýashylyǵy kooperatsiiasyn damytý boiynsha zańnamany jetildirý, onyń ishinde kooperatsiiany damytý ortalyqtaryn qurý kózdelgen. Sondai-aq kredittik seriktestikterdiń kórsetiletin qyzmetteriniń tizbesin keńeitý (jinaq aqshalardy qabyldaý, aýdarym operatsiialary), qatysýshylardyń oǵan kirýi men shyǵýyn barynsha ońailatý boiynsha zańnamaǵa ózgerister engizý jónindegi máseleler pysyqtalatyn bolady», - dei kele, Úkimet basshysy jeke qosalqy sharýashylyqtardy qoldaý úshin jaiylymdarmen, jem-shóppen qamtamasyz etý, ótkizý naryqtaryna qol jetkizý boiynsha sharalar qabyldanatynyn aitady.
Sonyń negizinde aýyl sharýashylyǵy kooperatsiiasyn, onyń ishinde óndiristik, tutyný, servistik jáne qarjy kooperativterin damytý úshin jaǵdailar jasalmaq.
«2020 jyly Memleket basshysynyń tapsyrmasy boiynsha Almaty, Jambyl jáne Túrkistan oblystarynda aýylda «alqaptan sórege deiin» kooperatsiialyq tizbegin damytý jónindegi pilottyq joba iske qosyldy. Úkimet rezervinen 3 mlrd teńge somasynda biýdjettik kredit bólindi. Jobaǵa 2500 jeke qosalqy sharýashylyqtyń basyn qosqan 15 aýyl kooperativ, 8 qaita óńdeý kásiporny, 141 aýyl sharýashylyǵy taýar óndirýshileri jáne 82 saýda obektisi tartyldy. Úsh oblysta 11 243,7 tonna ónim jáne 5 205 myń dana jumyrtqany deldaldardyń qatysýynsyz ótkizý uiymdastyryldy», - delingen Prmer-Ministrdiń jaýabynda.
