Bilim jáne ǵylym vitse-ministri Sholpan Karinova "Álippe" oqýlyǵy týraly aityp berdi, dep habarlaidy Sputnik Qazaqstan.
"Álippe boiynsha tisti jumystar atqarylyp jatyr. Árine, bul oqýlyq qaitarylady. Kelesi jyly jańartylǵan bilim berý mazmunynyń birinshi tsikly aiaqtalady. Oǵan 11-synyp ta kiredi. Odan keiin 2021 jyldan bastap qaita jańartý jumystary júrgiziledi. Álippeni kirgizý osy 2021 jyldan bastalady", - dedi Karinova jýrnalisterge bergen suhbatynda.
Onyń aitýynsha, oqýlyq Ahmet Baitursynovtyń ádistemesi negizinde jasalyp jatyr. Al tilshilerdiń "Álippe latyn grafikasymen jazyla ma?" degen suraǵyna vitse-ministr: "Iá", - dep qysqa ǵana qaiyrdy.
Aita keteiik, biyl Tamyz konferentsiiasynda bilim jáne ǵylym ministri Ashat Aimaǵambetov Álippeniń mektep baǵdarlamasyna qaitarylatynyn málimdegen.
"Ustazdar bolsyn, ata-analar bolsyn, kópten álippe máselesin kóterip júr. Bul másele - óte mańyzdy. Biz Álippeni qaitarý kerek dep esepteimiz. Ol 2021 jyly, ózderińizge jaqsy tanys, qazaq tiline beiimdelgen Ahmet Baiursynovtyń ádistemesi negizinde engiziletin bolady", - dedi ministr.
