Belgili akter, ánshi, Májilistiń eks-depýtaty Nurlan Álimjanov Nur-Sultan qalasynyń mádenietin basqarmasyna basshy bolyp keldi, dep habarlaidy "Ult aqparat".
Aqparatty Nur-Sultan qalasy ákimdiginiń baspasóz qyzmeti rastady.
Nurlan Álimjanov 1984 jyly 29 sáýirde Almaty qalasynda dúniege kelgen. Ol - tanymal aqyn, jazýshy, Qazaqstanǵa eńbegi sińgen qairatker Baianǵali Álimjanovtyń jalǵyz balasy. Kishkentai kezinde ǵaryshker, keiin desantshy bolýdy armandaǵan Nurlan Álimjanov keiin ákesiniń izimen júrip, shyǵarmashylyqqa bet burady. Aitýynsha, alǵash ret 8-synypta án shyǵarǵan.
Ol 2005 jyly T.Q. Júrgenov atyndaǵy Qazaq ulttyq óner akademiiasynyń «Mýzykalyq teatr men kino akteri» fakýltetin, 2016 jyly Almaty ekonomika jáne statistika akademiiasynyń «Ekonomika i biznes» fakýltetin bitirdi.
2003-2008 jyldary Ǵ. Músirepov atyndaǵy Memlekettik akademiialyq teatrynyń akteri.
2018 jyldyń qazan aiynan bastap «Qazaqstannyń Densaýlyq elshisi».
2019-2021 j.j. – QR Parlamenti Májilisiniń VI shaqyrylymynyń depýtaty.
Kópshilikke «Aǵaiyndylar», «Temirtaý kóktemi», «Balalyq shaǵymnyń aspany», «Jaý júrek myń bala», «Kóshbasshynyń joly – Temir taýy», «Kóshbasshynyń joly – Otty ózen», «Tyǵyryqtan jol tapqan» kórkem filmderi arqyly tanymal.
Qazaqstan Respýblikasynyń Tuńǵysh Prezidenti – Elbasynyń jáne Qazaqstan Respýblikasy Prezidentiniń Alǵys hattarymen marapttalǵan. Qazaqstannyń eńbek sińirgen qairatkeri (2013 g.), «Serper» jastar syilyǵynyń iegeri, «Nur Otan» partiiasynyń «Jas tulpar» jastar syilyǵynyń laýreaty.
