Seisenbi, 12 shildede QR Premer-Ministri Álihan Smaiylov Japoniia elshiligine baryp, kórnekti saiasi qairatker, burynǵy Premer-Ministr Sindzo Abeniń qaza bolýyna bailanysty osy eldiń halqyna kóńil aitty, dep habarlaidy "Ult aqparat" primeminister.kz saityna silteme jasap.
Diplomatiialyq missiia basshysy Djýný Iamademen áńgimelesý barysynda Álihan Smaiylov Qazaqstannyń Abe myrzany óz eliniń patrioty jáne Qazaqstan-Japoniia qarym-qatynastarynyń damýyna eleýli úles qosqan saiasatker retinde biletinin atap ótti.
«Sindzo Abe Japoniianyń damýy úshin ǵana emes, halyqaralyq yntymaqtastyqty nyǵaitý úshin de kóp eńbek etti. Osy qiyn sátte Qazaqstan Úkimetiniń jáne jeke ózimniń atymnan Abe myrzanyń otbasyna jáne búkil japon halqyna kóńil aitamyn», — dedi Úkimet basshysy.
QR Premer-Ministri elshilikke barǵan kezde kóńil aitý kitabyna jazba qaldyrdy.
