Premer-Ministrdiń birinshi orynbasary-Qarjy ministri Álihan Smaiylov aýditorlardyń tómen jalaqysynan týyndaǵan táýekelderdi atady, dep habarlaidy "Ult aqparat".
«Sybailas jemqorlyqqa básekege qabiletsiz eńbekaqy áser etedi. Sonymen qatar, quqyq qorǵaý organdarynyń tergeý sharalaryna tartylatyn memlekettik aýditorlardyń joǵary jaýapkershiliginiń de yqpaly bar. Osyǵan bailanysty búginde bilikti kadrlardyń jumystan ketýiniń jaǵdaiy baiqalýda», - dedi Smaiylov Parlament Májilisindegi Úkimet saǵatynda.
Onyń aitýynsha, sońǵy eki jylda qyzmetkerlerdiń 40 paiyzy jumysynan ketken.
«2020 jyldyń basynan beri Esep komiteti memlekettik aýditorlarynyń eńbekaqysy 70 paiyzǵa ósti. Sonymen birge, organǵa qaramastan barlyq aýditorlarǵa biryńǵai talaptar bekitilgenin eskere otyryp, barlyq aýditorlardyń eńbekaqysyn tiisti deńgeide kóterý máslesin sheshý kerek dep sanaimyz», - dedi Álihan Smaiylov.
Vedomstvo málimetine boiynsha Ishki memlekettik aýdit departamentinde memlekettik aýditorlardyń ortasha jalaqysy 120 myń teńge, Ishki memlekettik aýdit komitetinde – 150 myń teńge, Reviziialyq komissiiada – 180 myń teńge, Esep komitetinde – 250 myń teńge. Munymen qosa, jeke sektor ishki aýdit qyzmetkerleriniń ortasha eńbekaqysy 550 myń teńge, al kvazimemlekettik sektor ishki aýditi qyzmetkerleriniń tabysy 700 myń teńge somasynda tirkelgen.
