Astana qalasynda ótip jatqan boks keshinde qazaqstandyq kásipqoi boksshy Áli Ahmetov amerikalyq Tomas Djastindi texnikalyq nokaýtpen jeńdi.
22 jastaǵy jerlesimiz barlyq raýndta birinshi nomermen judyryqtasyp, aiqyn basymdylyq tanytty.
Osylaisha, qazaq boksshysy kásipqoi bokstaǵy toǵyzynshy jeńisine qol jetkizdi.
Aita ketsek, buǵan deiin alǵashqy jekpe-jekte qazaqstandyq boksshy Meiirim Nursultanov bir minýttyń ishinde óz qarsylasyn nokaýtpen jeńgen bolatyn.
Ekinshi kezdesýde Dimash Niiazov braziliialyq Edýardo Pereirany upai sanymen jeńdi.
Úshinshi jekpe-jekte Aidos Erbosynuly argentinalyq Djonatan Barbadilony nokaýtpen jeńdi.
