Elordada tanymal sportshy Sergei Tsyrýlnikov pen Qazaqstan halqy Assambleiasynyń ókilderi Alǵys aitý kúnine orai ázirlegen «Birtutas Qazaqstan» atty fleshmob ótti, dep habarlaidy QazAqparat.
«Etnostarymyzdyń yntymaǵyn, Qazaqstan halqy dostyǵyn, qasietti jerimizdiń qonaqjailyǵyn kórsetý basty maqsat boldy. Fleshmobtyń máni de sonda jatyr. Buǵan qosa, elimizdiń Táýelsizdiginiń 30 jyldyq mereitoiyna orai fleshmobqa qatysýshylardyń da sany otyz adam», - dedi Sergei Tsyrýlnikov.
Onyń atap ótýinshe, bul is-shara QR Mádeniet jáne sport, Qorǵanys ministrlikteriniń, «Jas sarbaz» jastar patriottyq qozǵalysynyń qoldaýymen uiymdastyryldy. Bastapqyda fleshmobdy munan da aýqymdy túrde uiymdastyrý josparda bolǵan. Alaida oǵan aýa raiynyń qolaisyzdyǵy kedergi keltirdi.
«Elimizde kólemi 35*17,5 metrlik eń úlken tý bar. Bastapqyda osy týdy Qazaqstannyń barlyq etnos ókilderi ustap kóshege shyǵý josparda bolǵan edi. Alaida kóshede 30 gradýs aiaz bolýyna bailanysty fleshmobty kólemi shaǵyndaý týmen Dostyq úiiniń ishinde ótkizýge týra keldi», - dedi ol.
