Almatyda Alǵys aitý kúnine orai «Qamqorlyq» aktsiiasy ótti, dep habarlaidy QazAqparat.
«Qamqorlyq» aktsiiasy aiasynda almatylyq volonterler jalǵyz basty zeinetkerdiń aýlasyn qardan tazalap berdi.
«Búgin - alǵys aitý kúni. Maǵan kómektesken barlyq jastarǵa alǵys aitamyn. Sizderge densaýlyq jáne sáttilik tileimin. Kóp-kóp rahmet», - dedi almatylyq zeinetker Olga Chaadaeva.
Uiymdastyrýshylardyń aitýynsha, bul kún adami qarym-qatynastyń qundylyǵyn, adaldyqty, paryz ben jaýapkershilikti eske salady.
«Úlkenderge qamqorlyq kórsetý bizdiń basty paryzymyz. Qarttardy syilaý árbir azamattyń mindeti. «Qarty bar el-qazynaly el», demekshi úlkenderdi qurmetteitin qoǵamnyń ǵana bolashaǵy zor bolatynyn umytpaýymyz kerek», - dedi «Qarlyǵash» bos ýaqyt ótkizý ortalyǵynyń jetekshisi Atyrkúl Saǵyndyqova.
