Almaty qalasynyń ákimdigi QR Tuńǵysh Prezidentiniń muraǵatymen birlesip, Alǵys aitý kúnine arnalǵan «Ortaq úiimizdegi beibitshilik pen kelisim» taqyrybynda dóńgelek ústel ótkizdi, dep habarlaidy QazAqparat.
Onlain formatta ótken shara barysynda «Qazaqstan – bizdiń ortaq úiimiz» atty shyǵarmashyl jastardyń kórmesi uiymdastyryldy.
Dóńgelek ústelge túrli etnomádeni birlestikterdiń tóraǵalary qatysty.
«Alǵys aitý kúni-bul óz eline, óz jerine, óziniń kishi otanyna, óz otbasyna alǵys aitý merekesi. Bul mereke jastarǵa etnostardyń aldynda qandai qiyndyqtar bolǵanyn jáne osy qiyndyqtardyń barlyǵyn birtutas Qazaqstan halqyna qalai biriktirgenin jastarǵa jetkizýge kómektesedi»,-dep atap ótti QR Parlamenti Májilisiniń depýtaty Vakil Nabiev.
Sharaǵa qatysýshylar búkil qoǵamnyń damýy úshin halyq birliginiń mańyzdy ekenin atap ótti.
«Bul merekeniń negizi men tamyryn otyzynshy, qyrqynshy jáne elýinshi jyldary ata-analarymyz salǵan. Kóptegen ekonomikalyq, moraldyq jáne turmystyq problemalar týyndaǵan qiyn kezeńder, bizdiń ákelerimiz ben atalarymyz bir-birine kómektesý úshin bar kúsh-jigerlerin biriktirdi. Nátijesinde biz damyǵan, jas memleket - Táýelsiz Qazaqstanǵa ie boldyq. Osy jyldar ishinde Qazaqstan osy jerde turatyn adamdardyń dostyq ýniversitetine ainaldy», - dedi Qazaqstannyń grekter qoǵamynyń «Filiia» ZTQ qaýymdastyǵynyń tóraǵasy Georgii Iordanidi.
Esterińizge sala keteiik, Qazaqstanda 2016 jyly QR Tuńǵysh Prezidenti - Elbasy Nursultan Nazarbaevtyń bastamasymen Alǵys aitý kúni 1 naýryzda, Qazaqstan halqy Assambleiasynyń qurylǵan kúni atap ótiledi.
