2026 jylǵa qarai orta bilim úshin 120 myń pedagog daiyndaý qajet bolady. Bul týraly QR Ǵylym jáne joǵary bilim ministri Saiasat Nurbek aitty, dep habarlaidy QazAqparat agenttigi.
«BUU boljamyna sáikes, 2030 jyly, iaǵni 7 jyldan keiin Ortalyq Aziianyń halqy 82 mln adamnan asyp túsedi. Sondyqtan birinshi soqqyǵa bilim júiesi tap bolady. Qazirdiń ózinde biz osynaý demografiialyq tolqynnyń mektepke deiingi jáne orta bilimge aýyrtpalyq túse bastaǵanyn kórip otyrmyz»», - dedi ol Otbasy, demografiia jáne genderlik saiasat máseleleri jónindegi halyqaralyq ǵylymi konferentsiia barysynda.
Osy oraida ministr elordadaǵy 54 mektepte dáris oqyǵan kezde oryn alǵan qyzyqty oqiǵasymen bólisti.
«Bir muǵalim ornynan turyp, latyn álipbiine qashan kóshetindigimizdi surady. Bul másele qazirgi ýaqytta talqylanyp jatqanyn aitsam, kóshpeýimizdi suraidy. Nege degen suraǵyma: «Sebebi qazirgi álipbiimizde 42 árip bar. Al bizde birinshi synypta 40 klass bar. men -den basqa áriptiń biri de bos emes. 1ia, 1h, 1iý klastary bar. Al jańa álipbide - 28 árip. Bizge árip jetpei qalady» dep jaýap berdi. Mine osyndai da ázil bolǵan edi», - dedi Saiasat Nurbek.
Ol Memleket basshysy bul máseleni erekshe baqylaýda ustap otyrǵanyn, «Jaily mektep» jobasy iske qosylǵanyn atap ótti.
«Shamamen 400 mektep jańa úlgilik standartpen salynady. Jalpy 1 myń mektep boi kóteredi. Demek, aldymyzda aýqymdy jumys tur. Osy jaily mektepterdi pedagogtermen qamtý úshin 2024-2025 jyldary 70 myń maman daiarlaýymyz kerek. Al 2026 jylǵa qarai 120 myń pedagogti daiarlap úlgerýge tiispiz», - dedi ministr.
