Foto: ashyq derekkóz
Túrkistan oblysy Alǵabas aýylynda 12 adamnyń ómirin qiǵan qaiǵyly órtke ne sebep bolǵany belgili boldy. Aldyn ala anyqtalǵan derek boiynsha, órt elektr uzartqyshynyń aqaýynan tutanǵan, dep habarlaidy Ult.kz.
Bul aqparatty Tótenshe jaǵdailar ministrliginiń órtke qarsy qyzmet komitetiniń tóraǵasy Erlan Tóregeldiev OKQ alańynda ótken baspasóz máslihatynda málim etti. Onyń aitýynsha, oqiǵa ornynda barlyq qajetti zertteýler júrgizilgen.
«Elektrotehnikalyq jáne órt-tehnikalyq saraptamalar taǵaiyndaldy. TJM-niń synaq órt zerthanasy jumys istedi. Aldyn ala nátije uzartqyshtyń isten shyǵýyn kórsetip otyr. Degenmen, saraptamalardyń tolyq qorytyndysy shyqqan soń quqyqtyq baǵasy beriledi», — dedi ol.
Tóregeldievtiń aitýynsha, mundai jaǵdailardyń aldyn alý úshin otbasylyq úilerge qaýipsizdik datchikterin ornatý asa mańyzdy. Tútin datchikteri tútindi erte anyqtasa, kómirtek totyǵyna arnalǵan qurylǵylar gazdyń qaýipti deńgeiin belgilep, dabyl beredi.
Biyl osy qurylǵylardyń kómegimen 13 dabyl iske qosylyp, 36 adamnyń ómiri aman qalǵan. Komitet basshysy pesh nemese gazben jylytylatyn úilerdegi adamdarǵa datchik ornatýdy mindetti shara dep atady.
«Erejege sai, ár jeke úide avtonomdy tútin dabyly bolýy tiis. Mundai datchiktiń baǵasy shamamen 2,5 myń teńge. Adam ómirimen salystyrǵanda bul óte tómen baǵa. Kómirtek totyǵyna arnalǵan qurylǵy da qarapaiym úsh batareiamen jumys isteidi. Gaz kontsentratsiiasy kóterilgende qatty dabyl shyǵyp, uiyqtap jatqan adamdy da oiatýǵa qaýqarly», — dedi Erlan Tóregeldiev.
