Tikushaq arqyly ziiandy zat shashý nemese búkilálemdik sóz bailasý sekildi áleýmettik jelide áńgime taratyp, eldi adastyrǵandarǵa politsiia jazalai ma? Bul suraqqa OKQ-da ótken baspasóz máslihatynda Ishki ister vitse-ministri Aleksei Kalaichidi jaýap berdi, dep habarlaidy QazAqparat.
«Shyny da bul suraq biyl tipti ózekti bolyp ketti. Elde tótenshe jaǵdai jariialanyp, 11 mamyrda aiaqtalǵaly beri biz áleýmettik jelidegi jumysty kúsheittik. Mundai faktiler anyqtalyp jatyr. Árbir jaǵdai boiynsha saraptama júrgizilip, buǵan deiin 86 qylmystyq is qozǵaldy. Alty adam sottaldy», - dedi Aleksei Kalaichidi OKQ-da ótken baspasóz máslihatynda.
Onyń aitýynsha quqyqtyq jaýapkershilik qylmystyq zańnamada aiqyn jazylǵan.
«Qylmystyq zańnamada bári naqty belgilengen. Al jaýapkershilik máselesi qoǵamǵa tigizgen ziianyna qarai beriledi», - dedi Aleksei Kalaichidi.
