Áleýmettik jelilerde jekelegen tulǵalar eldiń ártúrli aimaqtarynda zańsyz mitingiler men sherýlerge qatysýǵa shaqyrýy taralýyna bailanysty QR Bas prokýrorynyń orysbasary B.B. Dembaev úndeý jariialady. "Ult aqparat" oqyrman nazaryna úndeýdiń tolyq mátinin usynady.
***
Qazaqstan Respýblikasy Bas Prokýrorynyń orynbasary B.B. Dembaevtyń «Prokýratýra týraly» Zańnyń 31-baby tártibinde úndeýi
QURMETTI AZAMATTAR!
Áleýmettik jelilerde jekelegen tulǵalar eldiń ártúrli aimaqtarynda zańsyz mitingiler men sherýlerge qatysýǵa shaqyrýlar taratýda.
Osyǵan bailanysty, Bas prokýratýra mitingilerdi uiymdastyrý jáne ótkizý tártibi 2020 jylǵy 25 mamyrda qabyldanǵan «Qazaqstan Respýblikasynda beibit jinalystardy uiymdastyrý jáne ótkizý tártibi týraly» jańa Zańmen (budan ári - Zań) retteletinin túsindiredi.
Bul zań elde beibit jinalystardy uiymdastyrý men ótkizýdi demokratiialandyryp, jeńildetti.
Naqty aitqanda, jinalystar, mitingiler men piketterdi uiymdastyrý jáne ótkizý úshin habarlama jasaý tártibi qarastyrylǵan.
Olardy ótkizý týraly habarlama belgilengen kúnge deiin 5 jumys kúninen keshiktirilmei jergilikti atqarýshy organǵa jazbasha nysanda beriledi.
Onda beibit jinalystyń maqsaty men nysany, uiymdastyrýshylar men qoǵamdyq tártipti saqtaýǵa jaýapty adamdardyń derekteri kórsetiledi (Zańnyń 10-baby).
Atalǵan habarlamany jergilikti atqarýshy organ ony tirkegen kúnnen bastap 3 jumys kúni ishinde qaraýǵa tiis (Zańnyń 11-baby). Osy 3 kún ótkennen keiin jaýap bolmaǵan jaǵdaida, uiymdastyrýshy berilgen habarlamaǵa sáikes beibit jinalys ótkizýge quqyly.
Demonstratsiialar men sherýler kelisý tártibimen ótkiziledi.
Ol úshin uiymdastyrýshy onyń ótkiziletin kúnine deiin 10 jumys kún buryn ótinish berýge, al jergilikti atqarýshy organ ol boiynsha 7 jumys kúni ishinde jaýap berýge mindetti (Zańnyń 12, 13-baptary).
Uiymdastyrýshy ótinishte qatysýshylardyń júrý baǵytyn, sondai-aq qoǵamdyq tártipti saqtaýdy, meditsinalyq kómekti uiymdastyrýdy, órt qaýipsizdigin qamtamasyz etýge járdemdesý sharalaryn kórsetedi (Zańnyń 12-baby).
Ótinishti qaraý qorytyndylary boiynsha jergilikti atqarýshy organ uiymdastyrýshyǵa demonstratsiia nemese sherý ótkizý kelisilgeni ne ony ótkizýden bas tartqany týraly habarlaidy (Zańnyń 13-baby).
Zań boiynsha beibit jinalystar qatań túrde arnaiy jerlerde jáne qalalyq, aýdandyq máslihattarmen belgilegen marshrýt boiynsha uiymdastyrylýy jáne ótkizilýi tiis.
Alaida uiymdastyrýshylar beibit jinalystardy uiymdastyrý jáne ótkizý týraly jergilikti atqarýshy organdarǵa tiisti habarlamalar men ótinishter bermegen nemese olar boiynsha kelisýden bas tartylǵan.
Tiisinshe, Zańdy (3-baptyń 3-tarmaǵyn) buza otyryp júrgiziletin beibit jinalystardy uiymdastyrý jáne oǵan qatysý quqyqqa qaishy bolyp tabylady jáne Ákimshilik quqyq buzýshylyq týraly kodekstiń 488-baby boiynsha ákimshilik jaýaptylyqqa ákep soǵady (25 táýlikke deiin qamaýǵa alý).
Eger bul áreketter azamattardyń, uiymdardyń, qoǵamnyń nemese memlekettiń quqyqtary men zańdy múddelerine eleýli ziian keltirýmen qatar júretin bolsa, Qylmystyq kodekstiń 400-baby boiynsha qylmystyq jaýaptylyq týyndaidy, ol aiyppul ne 200 AEK-ke deiingi mólsherde túzeý jumystary nemese 200 saǵatqa deiingi merzimge qoǵamdyq jumystarǵa tartý ne 50 táýlikke deiingi merzimge qamaý túrindegi jazany kózdeidi.
Budan basqa, «Sovid-19» koronavirýstyq infektsiiasynyń pandemiiasyna bailanysty Qazaqstan Respýblikasynyń Bas memlekettik sanitariialyq dárigeriniń 2020 jylǵy 25 jeltoqsandaǵy №68 «Karantindik shekteý sharalary jáne olardy kezeń-kezeńmen jeńildetý týraly» qaýlysymen belgilengen adamdar kóp jinalatyn is-sharalardy ótkizýge salynǵan tyiym áli de qoldanysta ekendigin eske salamyz.
Ony saqtamaǵany úshin ákimshilik (ÁQBtK-niń 425-baby – Halyqtyń sanitariialyq-epidemiologiialyq salamattylyǵy salasyndaǵy zańnama talaptaryn buzý – 30-dan 200 AEK-ke deiin aiyppul) jáne qylmystyq (QK-niń 304-baby – sanitariialyq qaǵidalardy nemese gigienalyq normativterdi abaisyzda adamdardyń jappai syrqattanýyna, aýrý juqtyrýyna ákep soqqan buzý – 2 myń AEK mólsherindegi aiyppuldan bastap 5 jylǵa deiingi merzimge bas bostandyǵynan aiyrýǵa deiin) jaýaptylyq kózdelgen.
Bas prokýratýra azamattardy qoldanystaǵy zańnama normalaryn múltiksiz saqtaýǵa, arandatýshylyqqa boi aldyrmaýǵa jáne zańsyz aktsiialarǵa qatysýdan bas tartýǵa shaqyrady.
Quqyq qorǵaý organdary belgilengen tártipke, qoǵamdyq qaýipsizdikke qol suǵatyn kez kelgen quqyq buzýshylyqtyń jolyn kesedi, sondai-aq olarǵa jol bermeý jóninde zańda kózdelgen sharalardy qoldanady.
