Foto: gov.kz
QR Qarjy ministrliginiń apparat basshysy Ernar Erjanov "Áleýmettik meditsinalyq saqtandyrý qory KeAQ ujymyna jańa basqarma tóraǵasy Gúlmira Sabdenbekti tanystyrdy, dep habarlaidy Ult.kz.
Vedomstvonyń saityna Gúlmira Sabdenbek ár jyldary basshylyq qyzmet atqarǵany jazylǵan.
Atap aitqanda, Ulttyq meditsinalyq holdingtiń strategiialyq damý departamentine jetekshilik etti. Sonymen qosa "Ulttyq ǵylymi kardiohirýrgiialyq ortalyǵy" AQ basqarma tóraǵasynyń orynbasary boldy.
Keiingi qyzmette QR prezidenti ákimshiligi áleýmettik-ekonomikalyq saiasat bólimi meńgerýshisiniń orynbasary bolyp, áleýmettik saiasat jáne ornyqty damý, memlekettik aýdit, sondai-aq qarjylyq baqylaý máselelerimen ainalysqanyn atap ótken jón.
Budan bólek ujymǵa basqarma tóraǵasynyń birinshi orynbasary Aidar Mekebekov tanystyryldy. Ol Qarjy ministrliginiń júiesinde uzaq jyl jumys istegen. Aitalyq, salyq inspektorynan bastap memlekettik kirister jáne qarjylyq baqylaý organdarynyń bólimshelerinde basshylyq qyzmet atqarǵan. Sol sekildi Qarjy monitoringi komiteti tóraǵasynyń orynbasary bolǵan. Búginge deiin "Qazaqmys korporatsiiasy" JShS-de urlyqqa qarsy is-qimyl jónindegi departament direktory bolyp, eńbek etken.
