Sýret ashyq derekkózden alyndy
Májilis depýtaty Erlan Barlybaev áleýmettik mańyzy bar azyq-túliktiń baǵasyn retteý sharalaryn toqtatýdy usyndy, dep habarlaidy Sputnik Qazaqstan agenttigi.
Búgin Saýda jáne integratsiia ministrliginiń keńeitilgen alqa otyrysy ótti.
Aita keteri, otyrysqa Premer-ministr Álihan Smaiylov qatysty. Osy jiynda depýtat Erlan Barlybaev áleýmettik mańyzy bar azyq-túliktiń baǵasyn ustap turýdy toqtatý qajettigin aitty.
"Is júzinde baǵany qalai ustaidy? Men ózim bizneste jumys istedim. Baǵany ustap turý úshin ákimdikter aldymen kásipkerlerdi shaqyryp, baǵany kótermeý týraly memorandým jasaidy. Al kásipkerler baǵany ustap turý úshin ne isteidi? Shikizattyń baǵasyn túsiredi. Aqyrynda sharýalar shyǵynǵa batady. Onsyz da aqshasy joq, tabys taba almaidy", - dedi ol.
Osy oraida depýtat áleýmettik mańyzy bar azyq-túliktiń baǵasyn ustap turýdyń ornyna halyqtyń tabysyn arttyrýǵa basymdyq berýdi usyndy.
"Menińshe, áleýmettik mańyzy bar taýarlardyń baǵasyn ustap turý tájiribesinen bas tartý kerek. Ol júie ábden eskirip qalǵan. Sonyń ornyna ataýly áleýmettik kómekti usyný kerek. Naryqtyq ekonomikada otyrǵannan keiin bári de solai bolýy kerek qoi. Halyqtyń tabysyn arttyrýǵa basymdyq berý kerek. Sonda azyq-túlik infliatsiiasy eldiń tapqan tabysyna qatty áser etpeidi", - dedi Barlybaev.
