QR Ulttyq bankiniń tóraǵasy Erbolat Dosaev áleýmettik mańyzdy taýarlar baǵasyn retteýge berilgen 180 kún aiaqtalǵan soń ne bolatynyn aitty, dep habarlady QazAqparat.
«2021 jyldyń qorytyndysy boiynsha azyq-túlik baǵasynyń ósýi infliatsiiaǵa qosqan úlestiń jartysyn ielendi. Ol infliatsiianyń joǵary qubylmalylyǵynyń basty faktoryna ainaldy. Sol sebepti keshe Memleket basshysy Úkimet pen ákimder úshin jýyrdaǵy úsh jylda azyq-túlik qaýipsizdigi máselesin sheshýdi negizgi basymdyq retinde belgiledi. Ol osy máseleni sheshpei, eshqandai sharalar infliatsiiany turaqtandyrýǵa kómektese almaitynyn atap ótti. Ulttyq bank áleýmettik mańyzy bar azyq-túlik taýarlarymen ǵana jumys júrgizbei, infliatsiiaǵa óziniń eleýli úlesin qosatyn basqa da tamaq ónimderi boiynsha jumys júrgizilýi tiis dep esepteidi», - dedi Erbolat Dosaev.
Onyń sózine qaraǵanda, biyl birinshi jartyjyldyqta Memleket basshysynyń tapsyrmasy boiynsha engizilgen jekelegen taýarlar men qyzmetterdiń baǵalaryn 180 kún merzimine ýaqytsha retteý baǵany turaqtandyrýǵa oń áser etýge tiis.
«Alaida, biz retteýdi alyp tastaǵannan keiin baǵanyń birden ósip ketýine jol bermeý maqsatynda básekelestikti damytý jáne shamadan tys deldaldyqty joiý arqyly naryqtyq qaǵidattardy engizý jáne «osal tustardyń» ornyn toltyrý úshin osy berilgen ýaqytty paidalanyp qalýymyz kerek, óitkeni ónim shyǵarýshylar shyǵynǵa ushyraý úshin jumys istemeidi.
Birlesken sharalarymyzdy tabysty iske asyrý jáne aqsha-kredit saiasatynyń tiimdiligin arttyrý Memleket basshysy alǵa qoiǵan maqsatqa qol jetkizý úshin infliatsiiany 2025 jylǵa taman 3-4% dálizinde turaqtandyrýǵa jáne ornyqtyrýǵa múmkindik beredi», - dedi Ulttyq bank basshysy.
